ضاغطين عليهم

انت اصلا ماتوقر ولا تحترم احد

من عرفتك وعرفتني ..

[ مغرور ] ..

ولا احد يعجبك ..

وصعب النقآش معك يامحترم

اصلا حتى اصدقآء ماعندك ..

منو المجنون اللي بيصآدقك ، اللي بيصادقك فيوزآته ضآربة اكيد ..

شاعر محترف

بروفــايـل إبداع !!
وش القصـائد هذي !!
المتنبي بيننـــــا ؟


< يـاليت ترسل لي ع الخاص .. ليه موقوف ؟

هذه القصيدة تحاكي واقع برشلونة ايام الدكتاتورالملعون فرانكو صانع امجاد الريال الحقيقي .

لا تعجب من علوج توطتها علوج *والله أن الشر للشر أحياناً علاج
في جنوب أفريقيا البيض ياطون الزنوج *وفي شمال أفريقيا البيض ماترفع حجاج
ابترفع عن رجالاً عن الهينه تدوج *عالمً رامت مرام الصقور وهي دجاج
قيصر من فوق غوج وكسرى فوق غوج *والجماعة بينهم راكبين فوق صاج
وش نبي في هامةٍ همها ضحكة غنوج * أو قيامة قامةٍ ماتقوم عود عاج
احمد الله يوم لي من خيال الموج موج *اركبه لا هاج سيف البحر تحتي وماج
ماتصفحت الليالي تصفح كاتلوج *لين مع كل حادث(ن) ذي حدث عشته مزاج
العقيله ماتبي غير ابن حربان زوج *يوم حاجات الذيابه غدت عند النعاج
ساقي النشوه لها من خروج في ولوج *كم انا للصحو منها شديد الإحتياج
يا حمد مسيار ربعي علي فوج فوج *غايتي يوم الردي غايته نجمه وتاج.

العقيلة : البطولة
ابن حربان : برشلونة.
تفسير القصيدة معروف .

اهداء لبيريز

عالـمٍ لبسـوا ثيـاب الدهـاة وهـم دلـوخ *** أوردتهـم حـوض فرعـون قفـزه بهلـوان
لا نجوا من فـخ طاحـوا بـآلاف الفخـوخ*** عشرهم في مجلس العم سـام أضحـت ثمـان

بسمك اللهم ذي الطَوْل رحمنٍ رحيم
.......... لا تخيب واحدٍ طقّ لك بإيده صدر
طالبك يالله في كلّ شيطانٍ رجيم
.......... منه لا تبقي عليها جنود ولا تَذَر
يالله انك لا تخلّي على الدنيا ذميم
.......... ويالله أنك تلعن اللي إلى قفّى غدر
يا مقيم اليا اجتمعنا نديمٍ مع نديم
.......... مَن بظنك يربح .. ومَن بظنك بِيْخَسَر
وجاه من أحيى بِ(غَيْمٍ) ومن أهلك بِ(غيم)
.......... غير ركعة تالي الليل ما شيٍّ يسُرّ
في نهارٍ ساعته مالها حدٍّ و قيْم
.......... لا انتصب منها صراطٍ على حفرة سقَر
لا نجى ساق السليم وزلَق ساق الأثيم
.......... يا جنانٍ خضر يا ذات ألواح ودُسُر

بسم من أظهر أسامة على جيـش السُفيـت
سامع صوت بن متّى وهو في بطن الحـوت
أخرج من الميْت حيّ أخرج مْن الحيّ الميْـت
من جعل أرضاً ذلول وجعل أرضـاً السبـوت
بسمه المحيي المميت ابتديت ايـه الابتديـت
ابتديت اللي بديت وعطيت الصـوت صـوت
وجت سوابق قصّتي في كتاب (بْن السُكيـت)
واعقدوا لي سحرهم فـي خليّـة عنكبـوت
بقْدمي سبعة ملوك من الجـنّ لـو بغيـت
في مثل لمح البصر فُتّهم يـا نـوت فـوت
أذّنوا لي في المساجـد : وفيـت ولا هفيـت
دون حقّك (ياليتيمة) بغـى ناصـر يمـوت
فترةٍ فيهـا احتويـت (اليتيمـة ) واحتميـت
لين حطّـوا لـي بلاهـم عبيـد الكَهَنـوت
طوّعوا غيري وانا اللي لحالي بس عصيـت
لين ضيّع راعي (البوش) في قلبـي خفـوت
لين بعيوني سقوني مـن الخمـرة (كميـت)
قد بغيت آمـوت لـولا صلاتـي والقنـوت

ذبحت العبد الادريسي ونِجْل الطاغية:حِبْرِيت=بأرض المغرب الأقصى طبخت من اللحم نيّة
على تابوت نوت احيا واموت افنيت ما ابقيت=ضربت الطار واجتاحت عبيد الزار كونيّة
على قبر اليتيمة نوت أجدّد حسرتي لا جيت=وأقبّل ضاحكات الموت تحتيّة وفوقيّة
على شانك ينوت اعميت خطلان البشوت اعميت=أقارع كل ذو سِدْنٍ وذو خِدْنٍ وكوفيّة
على شانك ينوت ادميت روس الخاينين ادميت=أسرّج مِرْج أمرّج سِرْج علويّة وسفليّة
على شانك ينوت اضرب بحدّ مْصقّلٍ إصليت=وكدنا ننتهي لولا خيانة عيد الألفيّة
خبيثٍ من بني قومي سقاني حامض الكبريت=قرَت وسطه عجوزٍ من ذوي حضرم ظفاريّة
وبسم اللي لهول اسمه تزلزل منبر السوفيت=نحَرها اعلى ظهرها جُبّةٍ بالسمّ مطليّة
ثلاث دهور اصارع نافثات الزرو ما ذلّيت=أغيّب شمس وادفن رمْس والأصنام مرميّة
ثلاث ازمان أداقش مسرجات الجانّ في تكريت=ثلاث ازمان تمْرخ لي ملوك الجانّ رجليّة
ثلاث سنين اعافر نافخات الطين ماولّيت=ثلاث سنين أكفّن قاريات التين بيديّه
ثلاث شهور ألاعي نازلات الطور ما ملّيت=اجاوب جنب خيمة ضاربات الطنب طبليّة
وثلاث ايّام تنعاني سرايا يام لين اصغيت=أقدّم كوع اوخّر كوع يا بيّي ويا بيّه