اولا هذا لنك السكربت الي استخدمه:
Travian3 Beyond - multilanguage + center numbers – Userscripts.org
سكربت حلو بصراحه و اهم شي شغال بالعربي تمام..
بالخريطه تكشف حقول القمح 9 او 15 بسرعه..
بس تأشر بالفاره على بقع الاراضي لاقل من ثانيه و يعلمك وش ميزة بقعة الارض..
الشيء الثاني الحلو, بالسوق, تقدر تفرز السوق بعدة خيارات بدل دوخة الراس..
تفلتر الي معروض بالسوق على كيف كيف..
عن طريق الموارد الي معروضه او الي يبحث عليها الناس..
الشيء الثالث الي سألتني عنه..
اذا كان مجموع مواردك كافي لتطوير بناء او تدريب جنود لكن توزيعها هو المشكله, بتلقى كلمة NPC ( اختصار Non Player Charecter)... يعني باختصار الكمبيوتر
و بتلقى بين قوسين رقم الفرق بالموارد, اذا كان اخضر يعني عندي فائض على المطلوب, اذا احمر يعني الفرق بالناقص والي تحتاجه عشان تطور او تدرب..
المهم, اذا عندك اخضر الي هو فائض, اضغط على NPC, بيوديك على طول لتاجر المبادله..
وقتها عاد خلاص تضغط على الخطوه الاولى, بيرتب الموارد على حسب ما تحتاج و اذا فيه فائض بيوزع الباقي بالتساوي على كل الموارد, فلو تبي توزع الفائض على كيف تسويها بالهخطوه..
تضغط بعدها الخطوه الثانيه و يرتبها خلاص بشكل نهائي..
بعدها تروح للمبنى الي بتطوره او الجنود الي بتدربهم و تلقى الموارد جاهزه مزبوط..
من ناحية تدريب الجنود, بالثكنه او الاسطبل, بيطلعلك رقم اخضر تحت الوحده المراد تدريبها..
اذا كان الرقم هذا اعلى من الرقم الي تقدر تدربه, فهذا يعني ان تاجر المبادله يقولك يالحبيب اقدر ارتبها لك بحيث تقدر تدرب جنود اكثر من المتوفر حاليا..
شخصيا بعد ما اشتريت ذهب
صرت اذا باستخدم تاجر المبادله, احاول اخلي كل الباقي بأي مورد ثاني غير الحديد..
وبعدين اروح السوق و ابيع الباقي مقابل الضعف من الحديد الي معبي ابو السوق و الناس بتصرفه باي شيء..
و بحكم اني زبون عند خوينا تاجر المبادله, ما يفرق اذا الحديد عندي زايد مره لاني اصلا باعيد ترتيب الموارد كلها
مع الاسف, بحكم ان اغلب القرى الي حوليني اما دائما بدون موارد او شيء لا يذكر, او قرى من تحالفات متحالفه معنا, و بوجود الذهب, مع الاسف صار تاجر المبادله احد اهم المصادر لزيادة مواردي
و استخدم سكربت ثاني موجود داخل هذا اللنك:
Travian3 Beyond - all language – Userscripts.org
اسمه: TTQ_Szabka.
تلقاه موجود هنا بهالفقره:
Best add-on to this script
Szabkas Travian Task Queue scrip TTQ_Szabka.
هذا السكربت حق مهمات بتوقيت..
يعني اذا جيت تنام والا تطلع ترسل هجمات مرتبه بالتوقيت.. يعني ممكن يهجمون 3-4 مرات و انت نايم..
و فيه شيء روعه بس ما يشتغل معي بالسيرفرات العربيه, اوقت مهمات البناء و تطوير البناء..
قاعد ادور سكربت يوقت تطوير المباني و الموارد يشتغل بالعربي للحين مب محصل..
لو واحد عنده سكربت حق توقيت الهجمات و تطوير المباني لا يبخل علينا.. ^^
بالنسبه للي يهجم بجيش اكبر من عدد سكانه..
بالسيرفرات الانجليزيه يسمونه Rusher..
الجرمان هم الافضل بمراحل شاسعه بهالاسلوب..
هالاسلوب موجود بالعاب كثيره, بأي لعبه استراتيجيه..
هالاسلوب يعتمد على انك تبني جيش باسرع وقت ممكن, و يكون جيشك هو مصدرك الاول للموارد..
اذا نجحت بالاسلوب هذا بتتطور بسرعه فائقه و بنفس الوقت تملك جيش مرعب..
و بحكم ان الجرمان عندهم ابو هراوه الرخيص جدا, و من افضل سارقي الموارد..
فطبعا هم اختصاصيي هذه الاستراتيجيه..
لكن هالاستراتيجيه فيها مخاطره كبيره..
فلو انمسح جيشك.. بترجع مية خطوه ورى..
اذكر واحد كان rusher ملعون والدين باحد السيرفرات الاجنبيه..
و مسح احدى قرى اعضاء تحالفي..
و بحكم اني جرمان مثله..
افضليه خرافيه للمهاجم لاننا ضعيفين جدا دفاعيا..
اتفقت مع عضو تحالفي ان باهجم عليه عن طريق النهب و احاول امسح قد ما اقدر عليه..
لان وقتها ما كان عنده دفاع, بس كنت خايف انه ركز على تطوير جنود دفاع..
لكن بعد ما هجمت عليه و شفت ما عنده دفاع,و الالغلبيه العظمى من جنوده ابو هراوه, خليت خويي يهجم عليه بخياله..
مسحناه مسحححححححح...
و صرنا نهجم عليه كل يوم يومين..
و كان دايم عنده فائض كبير من المقح, و الله فادني كنت محتاج قمح
بعد اقل من اسبوع الغى قريته..
الـ Rusher يكون تركيزه التام على تطوير القمح بفرق كبير عن الموارد الاخرى..
فلو مسحت جيشه, الي هو طريقته الاساسيه لتحصيل الموارد الاخرى..
بيرجع مية خطوه ورى و احتمال تنتهي اللعبه بالنسبه له..
الاستراتيجيه الثاني المشهوره اسمها Boomer..
هذا النوع المعاكس تماما..
هذا الي يركز كليا على تطوير المباني و الموارد مع اهمال الجيش..
و هالنوع خطير جدا اذا استمر لفتره طويله بدون مضايقه..
بترفيان, الاغريق هم الافضل بهذا النوع..
بوجود مصائد و مخابئ بضعف المساحه, و وجود جنود دفاع منذ البدايه..
و اسفين على الهرج الزايد