الموضوع: من يفسر الموضوع؟؟؟؟؟
عرض مشاركة واحدة
قديم 13-06-2009, 22:51   #3 (permalink)
Mohannad =) ..
كاتب نشيط جداً
 
الصورة الرمزية Mohannad =) ..
 
افتراضي
سياسة التكديس .. مدري هل هو الشي الي بنسويه هالموسم ولا ان الدعوة "ان ماوافق فلان ففلان موجود" .. على العموم انا مؤيد لهذي السياسة وبشدة ..

كل ابونا يامشعل عارفين ان اسوأ خطوط النصر هو الوسط .. وغير كذا كل ابونا عارفين ان الوسط هو اهم مركز بعد الحراسة .. فالدفاع لما يساندونه محاور صح بيمشي وضعه والهجوم لما يصير فيه لعيبة صح يصنعون له بيمشي وضعه برضو !!

غير كذا لاتنسى ان قوة الوسط "بتخلي اللعب في وسط الملعب" وهالشي من زمان ماشفناه في نصرنا في المباريات الكبيرة .. دايم نشوف ضغط علينا .. هالموسم بإذن الله بننسى هالامر وبنشوف كيف وسطنا يلعب صح ..

اقتباس:
فهل اعلان التعاقد مع الارجنتينيين والنصر لم يتعاقد معهم تعاقد (نهائي) هو طعم للغير او وضعهم كخطه بديله لو تعثر التعاقد مع الموسى او القحطاني او اللاعب الياباني
ليش لا ؟! وليش هالأمر مضايقك ؟!

اقتباس:
...يجب ان يعرف السهلاوي انه سيكون عليه تركيز اعلامي كبير وربما يتأثر به بعض الجماهير (الجهله) لو اخفق في مباراه او مباراتين فاتمنى ان يتم تنبيهه لهذي النقطه
العاطفة الجماهيرية هي الي تقتل اللعيبة للأسف .. سواء كان تطبيل زايد "انتم عارفين مين " ولا تحقير زايد "برضو عارفين مين " وفي كل الحالتين نتيجتها سلبية على اللاعب اما بالغرور مثل حالة الاول او الاستسلام كحالة الثاني ..

على حسب ماسمعت "ولانيب متأكد" رزاق الموسم الماضي جاه ترجيم بعد اول مباراة لعبها "ضد القادسية الكويتي" بسبب انه ماسجل على الرغم من انه ماجاه اي فرصة تذكر .. اتمنى ان هالشي مجرد "كلام" ولا يمت للحقيقة بصلة !!

اقتباس:
...جمهور ذاك الفريق طالعلنا الان بكلمه (يحلمون) فياسبحان الله حتى في انتقاصهم للنصر يقلدون الهلاليين واذا عرف السبب بطل العجب

يقولون الي يقولون .. فـ"ـالاذناب " تبقى اذناب والروس تبقى روس .. نبقى شامخين طال زمن ولا قصر ولاعمر نياحة الاذناب تقلل منا ..

اقتباس:
...حسين عبدالغني فريقه لم يفاوضه وجماهيره زعلانه لاتفاوضونه (وش يحسون به)

يحسون بأنه موب ادمي وانه "عبد" عندهم قبل لايصير لاعب محترف يدور مصلحته .. فكل ابونا عارفين وش سالفة خروجه ولا نحب نذكرها "حتى لانقلب عليهم المواجع" .. مع ذلك حاسدين الناس لاياخذونه ؟!

على العموم ان جاء حياه الله وله القلب قبل الدار .. وان ماجا الله يستر عليه ويوفقه بحكم انه السفير الوحيد حالياً ..

اقتباس:
...ابراهيم شراحيلي اتمنى ان يعود لمستواه فهو خامه ممتازه تحتاج رعايه

لاأزال مقتنع فيه اشد القناعة .. الله يتمم عليه بخير ونشوفه بإذن الله يقود نصرنا للمنصات مع زملائه ..

مشعل .. لاعدمناك ..





أشهد أن لاإله إلا الله وأشهد أن محمدًا عبده ورسوله ..


__________________
Mohannad =) .. غير متصل   رد مع اقتباس