|
عـــضــو ذهـــبـــي
|
هـوا انـتو مستعجليـن على ايـه !
هـل يـ ترى " بـ نردد نفـس النغمـه " بـ نلومـ التحيكمـ على شبهـات ركـلات الجزاء ..
بـ نكبـر المواضيـع , بـ نلومـ الاتحـاد الاسيـوي كلـه ونقـول انه يقـف ضدنـا ..
لاسبـاب غير معروفـه ..
بـ نلومـ الفيفـا بلعـد , بـ نلومـ العالمـ كلـه !!
قليـلا من العقلانيـه ..
الكـوره السعوديـه متراجعـه , اول مـره في حيـاتي اشـوف دولـه فيهـا النواحـي ..
الماديـه تزيـد , بينمـا النواحي الفنيـه تنقـص !!
اللي نعرفـه ونشوفـه , ان المـال يزيـد من التطـور ماهـو من التخلـف ..
سر غريـب ..
الـدوري السعـودي اصبـح ينافـس الدوريـات الاوروبيـه في عقـود اللاعبيـن وحـتى ..
بـ عقـود الدعايـه والاعـلان , لكـن الكـوره عندنـا تتأخـر ..
الانديـه صاحبـت الامكانيـات الخياليـه تخـرج من لبطـولات السعـوديه بـ الجماعـات ..
والمنتخـب قدامـ كوريـا الشماليـه يعجـز في دره الملاعـب ..
.
.
اتركـوا العاطفـه على جنـب , بـ شويـه عقلانيـه , ويش هـو مصيرنـا اذا تأهلنـا ..
بـ هالمنتخـب للمونديـال ..
فريق مـ يقـدر يلعـب كـوره صـح قدامـ كوريـا الشماليـه على ارضـه وبيـن جمهوره ..
وكل الوسائـل متاحـه قدامـه والامكانيـات متوفـره , ويش بيسـوي مـع المنتخبـات ..
العالميـه ..
بنرجـع نشـوف نفس الاسطوانـه المشروخـه , الوصـول للمونديـال انجـاز , وتبقـى ..
بقيـه الاشيـاء من خسائـر تاريخيـه بـ الاربعـه والثمانيـه مجـرج شكليـات ..
منطقيـا , المنتخـب مـع كـل مشاركـه دوليـه يتطـور , لكـن منتخبنـا مـع كل ..
مشاركـه موندياليـه يدحـدر ..
في 94 مسـتوى مـشرف , في 98 لابـأس , بـ 2002 , 2006 , كـوارث كرويـه ..
وهزائمـ تاريخيـه ..
بـ هالمنتخـب , ويش تتوقعـون , بـ نعيـد يعنـي ذكـرى منتخـب الـ 94 , بـ نزيـد ..
خبـره مـع تكـرار المشاركـات وتتحسـن النتائـج ..
طبعـا لا ..
.
.
هـ المبـاراه , اكـدت اهميـه الاحـتراف الخارجـي , وان الـدوري السعـودي مـع الفلوس ..
اللي فيـه , والسمعـه اللـي ماخذهـا , مـ يكفـي ..
من هـو اللاعـب الوحيـد اللي قدمـ مسـتوى يستحـق عليـه الشكـر , حسيـن عبدالغني ..
تقريبـا , المحـترف الوحيـد , او اللـي قـد ذاق طعمـ الاحـتراف ..
تخـوف غريـب , انت تلعـب على ارضكـ وبيـن جمهوركـ وعندكـ خبـره اكبـر ..
والظـروف كلهـا لمصلحتكـ , حـتى درجـه الحراره , ليـه تخافـون !!
المصيبـه الكبـرى انـ هـ التخـوف اثـر على تركيـز اللاعبيـن , على اتباعهمـ لتعليمـات ..
بيسيـرو ..
عندنـا مدرب كفـؤ , هـ الشيء مـ عليـه خـلاف , مدرب يعـرف ويش يبغـى , ويعرف ..
امكانيـات اللاعبيـن , لكـن المشكـله في اللعيبـه انفسهمـ ..
الادمـي انبـح صوتـه من كثـر مـ يوجـه , مـره ينـادي على شهيـل انه يتقدمـ ..
ومـره ينـادي على نوـر انـه يدخـل للعمـق ..
وكـأن اللعيبـه فقـدوا الذاكـره , كأنهمـ طالـب جبـان ذاكـر مضبـوط , لكـن اول ..
مـ جـاء وقـت الامتحـان , مع الخرعـه نسـى كل المعلومـات ..
لعيبتنـا خريجـي القهـاوي والكازينوهـات , مـ عنـدهمـ مـ يسمـى بـ الثقافـه الكرويه ..
.
.
في مثـل هـ المباريـات , عندكـ سيناريـون لا ثالـث لهمـا :
السيناريـو الاول , انكـ تستغـل عاملـي الارض والجمهـور وتهاجمـ من بدايـه المبـاراه ..
وتحـاول تيسجـل هـدف مبكـر , يسهـل عليكـ المأموريـه ويزيـح عنكـ الضغـط ..
وينقلـه لمنافسكـ ..
والسيناريـو الثـاني , انكـ تحافـظ على الكـوره في الشـوط الاول , وتحـاول انكـ تستنزف ..
طاقـه منافسكـ في هـ الشـوط , ومـع الثـاني بـ يتعرضـون للارهـاق وبينكشـف ..
دفاعهمـ , هذا غير انـ الجـو بيساعدكـ ..
لكـن :
المنتخـب لا هـذا ولا ذاكـ , لا همـ اللـي ضغـطوا في الشـوط الاول وفكـروا انهمـ ..
يسجلـون , ولا همـ اللـي لعبـوا بطريقـه تكتيكيـه ذكيـه في الشـوط الاول علشـان ..
يستنزفـون طاقـه المنافـس , ويكشفـون نقـاط ضعفـه ..
وهـ الكلامـ كلـه يؤكـد ان اللعيبـه داخـل الملعـب لعبـوا بـ ارتجاليـه ومـ التزمـوا ..
بـ تعليمـات بيسيـروا ..
.
.
التشكيلـه اللـي دخـل بهـا بيسيـروا مافيهـا اي مشاكـل , تشكيلـه مثاليـه , عبدالغني ..
يتأخـر دائمـا قدامـ المدافعيـن علشـان يحضـر الهجمـه ..
هـزازي يتراجـع بـ استمـرار على اسـاس يسانـد خـط الوسـط في صنـع الهجمـه ..
ويتقدمـ في الوقـت المناسـب " قبـل الاوفـر " ..
لكـن المشاكـل كانـت " فرديـه " , خصوصـا على الاطـراف , اليومـ الاطـراف همـ ..
اللـي ودونـا في داهيـه ..
نـور وشهيـل على اليميـن خذلونـا , الاثنيـن داخليـن كأنهمـ يلعبـون مع بعـض لاول ..
مـره ..
الشغلـه كانت واضحـه , نور يميـل للعمـق ويفـتح الطـرف لشهيـل , لكـن اللـي صـار ..
ان نور بطـيء جـدا , وشهيـل خايـف انه يتقدمـ , خصوصـا في الشـوط الاول ..
نـور مسـتواه رايحـن في خرايطهـا , مـ ادري هـل هي ناحيـه نفسيـه , وترسبـات ..
الاتهامـات السابقـه , انهمـع المنتخـب مـ يؤدي بـ نفس ادائه مـع الاتحـاد ..
او انـ طبيعـه ادواره مـع المنتخـب تختلـف وتحجمـ امكانياـته , بـ اعتبـار مـع الاتـي .
ياخـذ راحـته ويلعـب بحريـه , لكـن في الاخضـر مقيـد بـ مركـز وواجبـات ..
اداء نـور البطيء وكثـره اخطائـه , خصوصـا في التحركـات , مـ في شكـ انه كـان ..
سبب رئيسـي لعدمـ ظهـور شهيـل بـ مسـتواه المعـروف ..
على اليسـار , الوضـع كان اتعـس , عبدالرحمـن القحطـاني لاعـب عمـري مـ اقتعنـت ..
فيـه , سابقـأ وحاليـا واتوقـع مستقبـلا ..
لاعـب امكانياـته محـدوده , غير انـه " ماهـو بـ مفيـد " , المفـروض انـ هـ المبـاراه ..
تكـون مباراـته , لانـ كل مـ يملكـه من امكانياـت يتلخـص في كوارتـه العرضيـه ..
واحيانـا التسديـد ..
لكـن المشكـله كان في تحركاـته , تحركاـته مافيهـا اي لمحـه ذكـاء , زي نـور تمامـا ..
غطـى على تقدمـ الـزوري ..
يلعـب على اقصـى الطـرف , ونسـي ان وراه ظهيـر , القحطانـي يتقدمـ بـ نفس الخـط ..
الطولـي ووراه الـزوري ..
حقيقـه , الاظهـره اليومـ مـ ينلامـون , لا شهيـل ولا الـزوري , بسـبب التحركـات ..
شديـده الغبـاء لـ نور وعبدالرحمـن القحطـاني ..
نـادر جـدا مـ تجـاوزا التحصينـات الدفاعيـه للاطـراف الكوريـه , اكثـر من 90 % من ..
العرضيـات ترفـع من مكـان بعيـد من عرض الملعـب ..
.
.
كـل السلبيـات الفنيـه اجتمعـت في المنتخـب اليومـ , بطـىء غير طبيعـي في التحضير ..
الهجمـه تقعـد ساعتيـن على بـال مـ تحضـر وتطبـخ على نار هادئـه " على قولتهمـ " ..
المصيبـه الكبـرى " التحركـ بدون كـوره " هـ الشيء المهمـ جـدا لـ ضرب اي دفـاع ..
متكتـل كان غير موجـود ..
تحركـات اللعيبـه كانت سهلـه وواضحـه للدفـاع الكـوري , ومافي اي عنصـر مفاجـأه ..
لـ مباغـته دفاعهمـ ..
بمكـن الشيء الايجـابي " التكتيكـي" الوحيـد اللـي نفـذوه اللعيبـه , كـان التمريـر ..
السريـع من الطـرف للطـرف ..
هـ النقطـه ظهـرت في اول ربـع ساعـه من الشـوط الثـاني , واختفـت بعدهـا !! .
مثـلا , القحطـاني يستلمـ , يمررهـا بسرعـه لـ الطرف الاخـر " لـ شهيـل مثـلا " ..
الخـالي من الرقابـه ..
هـ الكـورات شكلـت اكبـر تهديـد لـ دفـاع كوريـا , لكـن مـ ادري ليـه ماكملـوا ..
عليهـا , وافـترض صراحـه انـ الكثيـر من تعليمـات بيسيـروا بين الشوطيـن نفـذوهـا ..
اللاعبيـن بـ بدايـه الشـوط , ومـعض غـط المبـاراه رجعـوا لـ التخبيص والفرديـه ..
والعشوائيـه ..
.
.
تغيـرات بيسيـروا ايجابيـه صراحـه , ادخـال الشلهـوب فعـل الجهـه اليسـرى , اعطى ..
الـزوري فرصـه اـبراز امكانياـته الهجوميـه ..
عبدالرحمـن القحطـاني بـ تحركاـته الغيبـه كـان مقفـل على الزوري , دخـل الشلهـوب ..
وصـار يميـل للعمـق ويسحـب مدافـع معـه , ويفـتح االطـرف لـ الزوري , اللـي بـدا ..
يظهـر ويشكـل خطـوره بـ عرضياـته وتوغلاــته ..
تغيـر الشلهـوب فـتح الملعـب بـ العـرض , وهـذا اللـي كـان مطلـوب , نـور ..
على اليميـن بـدا مـع اخـر ثلثـ ساعـه تقريبـا يميـل للعمـق ويفتح الخانـه اليميـن ..
لـ شهيـل , والشلهـوب يسـوي نفس الكلامـ على اليسـار ..
ادخـال صاحـب على اسـاس ان عزيـز كـان خـارج الموضوع , حـتى دفاعيـا عزيـز ..
مـ يغطـي مضبـوط , والكورييـن بدأو في ذلكـ الوقـت الليـ سبق التغيـر يشكلـون ..
خطـوره اكبـر في مرتداتهمـ ..
هـذا غير ان صاحـب افصـل من عزيـز في بدايـه الهجمـه , في التحضيـر السريـع ..
الشمرانـي دخـل لـ سـوء مسـتوى القحطـاني , بدليـل ان الشمرانـي لعـب نفـس ..
الادوار اللـي كـان يقومـ بهـا ياسـر ..
مـ كـان في يـد بيسيـروا حـل اخـر ..
.
.
صحيـح ان غيـاب الاخويـن عطيف مأثـر على " التجانـس " وهـ العيـب كـان ظاهـر ..
بشكـل غير طبيعـي ..
بـ خـط الوسـط مـ كـان فيـه تجانـس وعلى قولتهمـ " تناغمـ " في التحركـات , لكـن ..
برضـه " طريقـه المنتخـب الكوري الشمـالي " تقـلل من نسبـه تأثيـر هـ الغيـاب ..
عبـده واحمـد , يلعبـون كـورات ارضيـه سريعـه بينيـه , وهـ النـوع مـ يصلـح في ..
مبـاراه اليومـ , على اسـاس ان عمق خط وسطهمـ قـوي , وصعـب يخـترق ..
والطريقـه الوحيـده اللـي كـان ممكـن تضربهمـ فيهـا , هـي الكـورات العرضيـه ..
خصوصـا مـع ضعـف " عمق دفاعهمـ " وارتباكـه في كـل كـوره عرضيـه ..
.
.
كوريـا الشماليـه , طريقتهمـ واضحـه , زي طريقـه العراق قدامـ اسبانيـا , دفـاع متأخر ..
وتقفيـل المساحـات واغـلاق المنافـذ من العمـق والاطـراف , والمرـتدات ..
يلعبـون بـ تنظيمـ كويـس , والفرق اللـي بيننـا وبينهمـ , انـ لعيبتهمـ نفـذوا كلامـ ..
مدربهمـ اكثـر ممـا نفـذ لعيبتنـا كلامـ بيسيـروا ..
كـان عندهمـ شكـل واضـح , وفرضـوا رتمهمـ على المبـاراه , يلعبـون على كيفهمـ ..
يدافعـون على كيفهمـ , ويحافظـون على الكـوره في الوقـت اللـي يبغونـه , ويهاجمـون ..
على فـترات ..
وكـل ذا والمنتخـب يتفاعـل معهمـ , وكأنـه يدربهمـ ..
لو حققـوا الفـوز , كان نقول " يستاهلـون " , وصراحـه كان يمديهمـ يفـوزون لـو ..
استغلـوا المرـتدات والسماحـات الخياليـه في دفاعنـا ..
.
.
مـ ادري ويش اقـول , هاردلكـ على تأجيـل الحلمـ , ولا مبروكـ علشـان في امكانيـه ..
انـا مـ نشـوف فضائـح موندياليـه اخـرى ..
والمهمـ :
ان اللومـ كلـه موجـه تجـاه اللاعبيـن , وبيسيـروا " مسبقـا " بـريء من كـل التهمـ ..
الموجهـه اليـه ..
__________________
|