pluse

والله صراحه انا عاجبني كل شي من اول بداية ما يقولون الدوري الايطالي بعد قليل
الى ابتسامة الخلصي في النهاية

والاستوديو حلو شكله والوقفه حركه جديده وتراه يقعد في 30 دقيقه كالشيو بس يمكن الكرسي صغير عليه (*_^)
ويقعد بعد ما تبدا المباراة يعني مهوب دايم واقف ههههههههههه
وبعدين الوقفه تعطيه حرية بالحركه يلف على الشاشه يأشر على الموضوع اذا صار فيه صور او يكلم مالديني ويلف على طه ويواجه الكاميره

يكفيك اول ما يبدا الاستوديو تولع لمبة الشعار اللي للدوري الايطالي في الارض

هذا اول شي

ثاني شي سكوليو الرجال مات وراح خلوه بحاله مع انه عاجبني وصراحته هي قوته بالتحليل اضافة الى روابطه القوية بروساء الانديه
مشكلتنا انه اذا قال فريق كذا فيه كذا وكذا وتكلم عن الفريق اللي تشجعه خلاص كفر

بالنسبة للمباريات انا متابع من اول الدوري والحيادية بالنقل
صراحه مافيه امل تلقى زي الجزيرة وبعدين من حق اليوفي يركزون عليه لانه بالصداره ولا انهزم تسع مبارايات ورا بعض
يعني اللي بيسمع فريق ما انهزم بيقول خلنا نشوف وش هو ذا مع اني ما شفت هذاك التركيز بس على كلامك

و اول اسمع الشباب يقولون ما تجيبون مباريات روما ولا لاتسيو كله اليوفي
الجزيرة قالت خذو اليوفي والميلان وانتر ولاتسيو وروما وفيورنتينا وبعد زد عليها كالياري واودينيزي بحكم لعبه بدوري الابطال


بالنسبة للمحللين مشكلتكم تقولين وش ذا المحللين
طيب اذكر عيوبهم عشان نعرف وش اللي ما عجبك فيهم
اما الحكم بأن التحليل ممل!! (لاتعليق)
وبعدين الحلو يجيبلك النقاش الدائر بالصحافة الايطاليه والقضية الطافية يحطوون لها صوره على الشاشه ويحللونها وهكذا
يعني مثل مشكلة مانشيني وادريانو وتدخل فيرون


وبالنسبة لاعلان المباريات فهم كل شوي يذيعون
اخوي انت ذكرت ان مباراة اليوفي وميلان
مشكلتها انها جت في حوسه
يعني لعبوا السبت والاحد وبعدين الاربعاء فيه ديربي انتر روما وبعدين جا اليوفي وميلان
فما كان فيه وقت تسمع الاعلان
والان ذكرلك اخوي ان موقع الجزيره فتح على طول افتحها وسييييييييييده تحت بتلقى الدوري الايطالي مش الماوس عليه ويقولون لك ولا تزعل غالي والطلب رخيص هذي المباريات بدون ماتلمس زر



وبالنسبة لدخول الفريقين صراحه معك حق بس بتواجهم مشكله انهم لازم يقدمون الاستوديو وبيصير وقت بدياته قبل فتره بعيده عن المبارات وانا لاحظت انهم يحاولون يعطونك الزبده ما يملون لك الوقت على كلام فاضي



والله عندي كلام واجد غير ذا بس اظن ذا كافي وبتمل وانت تقراه

ومشكور اخوي واختلاف الرأي لا يفسد للود قضيه

الصفحة الرئيسية لموقع الرياضة إلى الأبد