اقتباس:
|
المشاركة الأصلية كتبت بواسطة زعيم اسيا
الله يعطيكم العافيه يا شباب جهد طيب تشكرون عليه.
سؤالين للاخ ليفر وباقي الاعضاء .
1-انا الان بالصيف , وأبي أسئل وش افضل وقت العب فيه المبارايات الوديه , يعني قبل ما يبدأ الموسم بشهر أو شهرين , وكم مباراة ألعب .
2- انا سمعت انك اول ماتبدأ اللعبه يكون عندك كذا نادي مسوي معه توأمه , مدري صحيح الكلام , واذا كان صحيح , وشلون أعرف وش هالانديه .
|
1/ أفضل وقت تلعب فيه المباريات الودية قبل ما يبدأ الموسم بشهر ونصف تقريبا .. لأن اللاعبين يروحون اجازة من نهاية شهر خمسة إلى منتصف شهر ستة .. والموسم الرياضي يبدأ في أغلب الدول في وسط ثمانية تقريبا وبعضها قبل اول ثمانية ..
انت حاول قبل مايبدأ الموسم بشهر ونصف تقريبا تحط لك ستة مباريات ودية ... وقبل ما يبدأ الموسم بأسبوع إلى عشرة ايام حاول مايكون عندك أي مباراة عشان لاعبينك ماتجيهم اصابات
طبعا الستة مباريات لمن تلعبها .. حاول تبدأ بالاساسيين ولعبهم مبارتين متتالية ،، وبعدها لعبهم الشوط الاول ولعب الاحتياط الشوط الثاني ومثل كذا
لين تكتمل لياقة الاساسيين والاحتياط .. لأن لو ما اكتملت راح تصير لك مشاكل في بداية الموسم الكروي ..
2/ بالنسبة للتوأمة .. أغلب الاندية اللي تبدأ معها ( الاندية الكبيرة طبعا ) بتلاقي معها اندية توأمة عشان تعرفها من القائمة اليسار بتلاقي تحت كلمة affiliated clups
شوفها قبل الاخيرة
اضغها عليها بتطلع لك الاندية اللي معها توأمة
حبيب البارسا
الاندية اللي معها توأمة لها فائدة مزدوجة
الاولى مثلا عندك لاعبين صغار او لاعبين يهموك بس ماتقدر تلعبهم خلال الموسم ترسلهم لنادي التوأمة بشكل مباشر ماتنتظر اندية تطلبهم اعارة وبكذا تضمن ان لاعبينك راح يشاركون كأساسيين خلال الموسم وترتفع مستوياتهم
الفائدة الثانية : هي ان اي لاعب من النادي الآخر يتم طلبه للشراء النادي الثاني يقولك ترى فيه عقد وراح نبيع لاعبنا لو تبي تعال قدم عرض ولك الأفضلية طبعا ..
وعشان ترسل لاعبك لأندية التوأمة اضغط عليه بزر الماوس الايمن وشوف هالصورة
البث المباشر 
الصحيفة الثانية Football Manager
