Gerrard8

السلام عليكم ورحمة الله وبركاته

البداية والامريكان

الصراحه انا مو من عوايدي اني اكتب واعلق بعد المباريات الا بعد نهاية الموسم لنا (ليفربول) وانا اعتبر ان الموسم انتهى لنا وهدفنا المركز الرابع اعتقد يمكن صعب اخر خمس لقاءات لليفربول 4 تعادلات وخساره !! معناته في شي بالفريق المتمثل في الاداره او الاعبين او المدرب !! واعتقد الاداره مالها شغل بالي يصير لان قدمت الدعم المادي لبنيتز واختار الاعبين الي يناسبونه وخطته للموسم القادم الي اهو هذا الموسم الي بعد قدوم الامريكان الكل تفائل خير بهذا الموسم لكن كان لرافا كلام اخر انتدب 4 لاعبين البارزين في النادي وغيرهم اكثر من 5 لاعبين من الشباب .


نهاية الموسم مع رافا

مباراتنا مع وستهام بينت حال الفريق وقدرات رافا يلعب مع فريق ناقص وماقدرنا لهم !! شبتسوي مع الانديه الاخرى , انا مو قاعد اكتب كلامي عشان يقراه رافا او يدري فيه , لكن عشان ابين لكم قدرات رافا , قياس المدرب بانتصاراته على الفرق الكبيره , شنو الفايده لما نخسر من مانشستر 1 ونفوز على هافات مادري شسمه بـ 5 ؟ اعتقد لو نباريهم بدون مدرب نفوز ونفس الشي طبقوه على وستهام اعتقد ان الفريق انتهى وعيب رافا واضح وضوح الشمس عدم زرع الروح في الاعبين وإبراز قدراتهم وعدم التركيز الي نهاية الموسم . تقدرون تقولولي شنو خطة ليفربول بلعب ؟ ليفربول اخر 3 مواسم بدون هذا الموسم كان يعتمد على جيرارد لكن الحين شفنا جيرارد اقلب المباريات يدافع ! شلون تبي الفريق يفوز اذا نص الفريق يدافع ؟ يقول المدرب انه يملك توريس قادر على فعل كل شيء!!! انا ماراح اعلق على توريس الا بعد نهاية الموسم ويتذكرون كلامي سعد وايمن لما اتى توريس قالو لاتستعجل في الحكم عليه أخر الموسم لي كلام اخر عن توريس يعني خطة رافا هذا الموسم مجهوله ! انظرو الي الفرق الثانيه وخير مثال ثلاثي الكبار البلوز يعتمد على الانطلاقات من الاجنحه والنص والارسنال الون تش واللعب السريع والمان يعتمد على اجنحته بس ليفربول يعتمد على شنو ؟؟ اخليه لكم هالسؤال

الابطال والوهم الكاذب

عندما اتى رافا الي ليفربول منتصف 04\05 وإقالة الفرنسي هوليير اختلطت مشاعر الحزن والفرح كنت اعتقد ان هوليير قادر على احراز الدوري ولكن عندما رأيت انجازات رافا قلت اكيد راح ناخذ الدوري للعلم كنت لا اعلم شي عن رافا سو انجازاته عندما اتى الي ليفربول . قدوم رافا الي ليفربول وتحقيقه لدوري الابطال يعتبر انجاز لكن لما حقق الابطال ماحققه الا بنفس الاعبين الي يعتمد عليهم هوليير يعني باختصار رافا (( يمكن لاني بدأت اشك )) انه يمتلك التكتيك لكن يعيبه اختيار الاعبين المناسبين لتكتيكه !! يعني رافا لمى اتى الي ليفربول خلق تكتيك مناسب للاعبين الي يمتلكهم وحقق الابطال بغض النظر عن الدوري وحصولنا على المركز الخامس . رافا الموسم الي طاف كان يلعب اجنحه ويعتمد على كراوتش واللعبات الطويله هالموسم توريس بين 4 مدافعين ؟ وبأي طريقه لازم توصل الكره الي توريس ولما توصل مانشوف شي نفس مباراة امس .

اختصاراً لما كتبت إقالة رافا اعتقد اصبحت امر واجب وعودة هوليير ((الاقرب)) الي ليفربول هو امر جائز
اسف على الاطاله

You Will Never Walk Alone

Never Walk Alone

L F C

الصفحة الرئيسية لموقع الرياضة إلى الأبد