New Star

طيب اللحين نتكلم عن مالكوفيتش رغم أنه ماعندي الكثير علشان اتكلم عنه فأكثر الأفلام اللي شفتها له يكون دوره قيها جانبي و تكون تجارية زي Eragon أو خايسة زي Burn After Reading لكن فيه كم فلم شفتها له و كانت بين الجيدة و الممتازة و أفضلها هو



Rounders







الفلم يتكلم عن طالب جامعي عبقري في الحسابات و الامور هذي لكنه ما يحب يقامر لأنه يقدر يعد الأوراق و راح يصفقونه إذا دروا زيادة على أنه عاقل المهم أن اموره ماشية تمام إليما يطلع خوية الداشر من السجن و اللي كل شوي يدخله بمشكلة يخليهم يضطرون فيها أنهم يقامرون علشان يحصلون على الفلوس اللي يغطون فيها ديونه

إدوارد نورتون يلعب دور الخوي الداشر و مات ديمون بدور الطالب العاقل و مالكوفيتش بدور جانبي كزعيم العصابة

بالنسبة لي اشوف أن الفلم من أفضل الأفلام اللي طلعت و تتكلم عن طالب جامعي عبقري يقامر فرغم أن المخرج ماهو من زودة لكن عندنا كاست قوي من مات ديمون لإدوار تورتون و جون مالكوفيتش إلى جون تورتورو

الفلم ينصح فيه رغم أني شايفة من زمان فيعني ما أدري كيف راح تكون ردة فعلي لو شفته مرة ثانية لكن أصلا حتى لو الفلم بايخ فشوفت ولد نورتون و مات بتدخلني جو ثاني




Art School Confidential





فلم كوميدي حليو عن مجموعة طلاب فن يحاولون ينجحون و يدرسهم واحد ملحوس اسمه جون مالكوفيتش
يعني الفلم خفيف ماهو شين إن كان فيه أحد يبغى يشوفه




الرجال ولد حمايل و تمثيله ماهوب شين لكنه ما يعرف يختار أدوار هذي مشكلته و صراحة أنا ما أشوف أنه ماخذ أي شهرة تذكر و نقدر نقول أنه ما يستاهلها يعني شهرته عادية جدا




robert downey jr يالبى قلب هالآدمي و الله أنه ينحب يعني أصلا من يوم ماتشوف تمثيله تحسه تلقائي و جاي بكل سهولة لكن ترا مشكلته بعد أن الأدوار اللي ياخذه ما تكون لذيك الدرجة

بالنسبة لبراد بيت فاشوف أن دفيد فنشر اختار اختيار موفق من ناحية و سيء من ثانية فيعني لو تنتبه لتركيبة وجه براد بيت راح تلقى أن عظامه بارزه و مافيه شحم كثير فيسهل عليه مكيجته و تغييره من شكل لثاني أما التمثيل فأشوف أنه ما قصر في البداية خصوصا أن وجهه كان مغطى بالميك أب فصعب يحركه على راحته لكن بعدين و في نص الفلم تقريبا و في الوقت اللي كان فيه يحتاج لإنسان عاقل فشل فشل ذريع و ماهو كله على تمثيله بس لكن ياخي الهدوء ما يركب عليه أصلا فيعني الابتسامة اللي كانت لبنته أول ما اتولدت كان واضح أنه مصطنعه و المهم هو دفيد فنشر اللي سوا شي خيالي صراحة بالفلم فطول الوقت ما انتبهت أبدا أن فيه أي شغل بالكومبيوتر و ما أدري إن كان هالشي من زين ولد فينشر و لا دباشة مني



و الله حتى في الدراما

يعني صحيح أنهم يكونون أفضل من هالناحية لكن يبقى أن الأدوار محصورة بين يحبني , يكرهني , يخونني , نذلة تخرب على خلق الله لعانة بس , أو تعزز لرجال معاها فيعني مافيه أي تنوع يذكر و بروز بأدوار صح تمسك بالعقل


Abdulelah : أنت رديت على نفسك يوم قلت أن هوبكينز أكل عليها الجو و الحمد الله على السلامة





حتى ذا بعد إلا إن كانك تبيه بتصوير سينما

الصفحة الرئيسية لموقع الرياضة إلى الأبد