صبحكم الله بالخير

لفت نظري<< متعوب عليها هالكلمة في اليومين اللي راحت ، استهجان في الرابطة على الادارة عشانها فرطت في الاعب مورينو ، قال أيش قال موهبة ، ياحبيبي الريال ماعنده مواهب إلا من طينة بالبوا وسلدادو وتوريس ، ومواهبنا اللي طلعت من النادي شوفوا وين تلعب ميخيا يطقطق مع مورسيا ، وراؤول برافو في الدوري اليوناني ، وبافون السنة الجاية راح نشوفه يطقطق في الدرجة الثانية مع سرقسطه،وبورتيو يلعب مع أوساسونا وفكه الله من الدرجة الثانية ، وبالبوا إن الله أعطانا طولت العمر تشوفونه السنة الجاية في الغرافة القطري ومعه سلدادو وتوريس ، فعشان كذا أقول دعونا لانبالغ ، من عرفنا الريال وهو مايطلع إلا كديش .
وبعدين ترانا نشجع ريال مدريد اللي يجيب الاعب وهو في قمة نضجه الكروي والله يخلي القرنقش ، الريال ماعنده استعداد يصبر على اللاعب ثلاث وإلا أربع سنين وأحتمال ينجح أو يفشل ، هالكلام يمشي عند الفرق الصغيرة أو اللي ماعندها مادة لكن مايمشي عند الريال اللي مطالب كل سنة بكل البطولات .

النقطة الثانية :

أنا أشوف لازم الإدارة تجيب أظهرة بدلاء لراموس وهاينزه وهذي أكبر نقطة ضعف في الريال ، تكفون لا أحد يقول توريس ومارسيلو ، الشيء الثاني نبي لنا مهاجم مهاري يرضى بالأحتياط ، ودي بـفييا وإلا ببنزيمه، أما هونتلار صراحة ماأبيه لأنه نفس ستايل الرود راؤول يعني ماهوب مهاري ، وفيه مباريات تحتاج لمهاجم مهاري .

النقطة الثالثة :

إن كان الأخبار اللي تقول هليب يبي يطلع ، فياليت الأدارة تجيبه ، لاعب تتعب وأنت تقول بطل ، تبيه يلعب جناح أيمن أو أيسر أو خلف المهاجمين ماعنده مشكلة ، وماراح يكون غالي .

خينتو الله يخليك ويجبر بخاطرك ياقميل << تأثير الأفلام المصرية

__________________

البحث عن مواضيع لنفس العضو