الله أبوكم من إدارة ضيعتوا علينا لاعب أقل ما يقال عنه خيالي يلعب جناح أيمن أيسر وصانع لعب ومحور هجومي ، لكن إدارة الريال واضح إنهم مااهتموا فيه لأنهم يدورون اللاعب اللإعلامي من طقة رونالدو وكاكا قبل الاداء الفني وإلا وش ينقص هليب ودييغو عشان يلعبون في الريال أكيد ينقصهم النفخ الاعلامي .

تخيلوا لو إدارة الريال جابت هليب بـ 15 مليون ، كان وفرت 70 مليون ، وحافظت على أجواء غرفة الملابس من الحزازيات وهذا اللي قال عنه شنايدر إن قدوم رونالدو راح يسبب مشاكل .

وأتوقع بعد هالمسلسل المكسيكي ماراح يجي كرستيانو ،يذكرني بـ مسلسل فييرا ، والله إني أذكر قعدنا صيفيه كاملة فييرا وافق فييرا قريب من الريال فييرا أخبر زملائه أنه ذاهب للريال فييرا قام بشراء بيت في مدريد ، وفي النهاية فييرا جلس في الأرسنال ، ومثل كاكا السنة الماضية لدرجة إن الأس تقول كاكا في المطار وراح يلبس الرقم 17 وفي النهاية كاكا جدد للميلان
-------------------------------------------------------
الشي الثاني :

أبي أعرف مياتوزفت وش يسوي للحين ، راح شهرين وماشفنا أي لاعب ، لا أحد يقول ذيب ، ، الذيب اللي تلقاه الحين قفل على السوق ، ، صراحة طريقته في التعاقدات طريقة إنسان مبتدئ ، تحس إنه محتار أو إلى الأن وهو يفكر مع مين يتعاقد ، المفروض من أول ماخلص الدوري محدد اللعيبة مع شوستر ، هذا غير إن إنتقالاتنا دائما في آخر السوق وهذا شيء سلبي يأثر على الانسجام .