نكمل الموضوع
::::::الاستقبال من اخي الاصغر وتوديعه::::::::
اخي الاصغر مني يدرس في احدى جامعات الرياض
طبعا كاي شخص راح يسافر من مكان الى مكان واخوه موجود بالمكان الي يبي يسافر له اكيد راح يدق عليه ويكلمه
انا وصلت الرياض الساعه 1 الظهر ودقيت على اخوي وتواجهنا وقلت له عازمك اليوم على الغداء
لاني اعرف ان طلاب الجامعات والكليات حالتهم حاله
طلعت انا واخوي ,,وجرت هذه المحاثه ,,,,,
تركي : ودنا الى افخم مطعم نبي نتغدا فيها.
اخوي : ابشر طال عمرك انا راح اوديك الى احسن مطعم بالرياض ,,, بس ترى ما عندي فلوس
تركي : لا تشيل هم انا راح اغديك اليوم .
اخوي : ما دام كذا اجل نبي نتغدى برج الفيصيليه
تركي : ( حاولت ان اتهرب من المطعم لانه بالمررره غالي ) لا ياخوي انا رايح لماليزيا ودنا الى مطاعم عندهم كبسات احسن من المطاعم الي عندهم وجبات سريعه .
اخوي : ( نظر الى نظرت الشخص المنصدم ) وقال لي , لا وش رايك نروح نتغدى بمطعم هندي احسن .
تركي : لا يا اخوي قلت لك نبي كبسه ( بينة له اني معصب .
اخوي خلاص راح نروح الى البيت السعودي
تركي : كويس .
الزبده بعد ما تغدينا في مطعم على,, قلت له يالله خلنا نروح للسوق نشتري لنا ملابس وبعض الحاجات ,, لان مثل ما تعرفون ان حفرالباطن ما فيها مجمعات نفس الرياض او الدمام او جده
طلعنا ورحنا اشترينا بعض الملابس وبعض الحويجات (تصغير حاجه مع جمعها )
اذن المغرب
رجعت الى الشقه وتجمع الشباب لتوديعي تعشينا لاني عارف ان اكل الطياره من جنبها ( يعني الله بالخير ) وانا وراي رحله راح تستغرق 7 الى 8 ساعات
جهزت كل اغراض واوراقي وركبت السياره ومعي اخوي ورحنا للمطار في تمام الساعه 9 مساء ورحلتي الساعه 11 مساء
وصلت المطار تقريبا 9:20 دقيقه (يعني بالظبط بعد ثلث ساعه)
قصيت البوردينق وحطيت الشنطه وحولت الفلوس الي معي وكان معي تقريبا 2000 ريال وباقي الفلوس بالبطاقه حقت الراجحي الي افادتني كثيرا هنا في ماليزيا ومابقى الى اني اختم الجواز واروح اركب بالطياره
جلست مع اخوي جلسه اخيره قبل لا اركب الطياره
ودعته وسلمت عليه وحملته سلامي الى اهلي
ختمت الجواز ورحت للبوابه الي سوف اغادر من عندها الى اسيا الحقيقيه ( ترى دعايه بس والله لا طلعت اسيا الحقيقيه ولا شي )
على كل ,,,,
ركبت الطياره
وهذا احلى شي بالخطوط السعوديه انهم اول ما تركب وتربط حزام الامان قراوء دعاء السفر كاملا وقراوء كم ايه
طبعا انا من طبيعتي صعب اني انام بطياره او بسياره الا مره وحده ساذكره لاحقا
ركبت الطياره وسميت بالله دعيت الله ان نوصل بالسلامه وكانت الساعه توشير الى 11 مساء
طبعا كان بجنبي جالس واحد من اهل القصيم رجل موظف عنده دوره هو واخويايه في ماليزيا
قضيناها سوالف مع هذا الرجال الاسنافي وكان يعطيني نصائح حلوه واعطاني دوافع معنويه حول خطوتي المستقبليه
طبعا شخص اول مره اعرفه و اول مره اجلس معه فالسوالف كانت قليله نوعا ما
كنت بين الحين والاخر احاول ان انام ولكن هيهات يا تركي والله ما راح يجيني نوم لو وشو
وكما هو معروف ان الخطوط السعوديه لا يوجد بها لا تلفزيون ولا دفيدي
يعني يا انك تنام او انك تقراء جرايد او انك تقضيها سوالف مع الي جنبك
وكل شوي اطالع في ساعه الطياره
في لحظه فريده من نوعها اخذ لي غطه ولما صحيت والا الشمس طالعه
ولما طالعت بالساعه والا الوقت الي نمته تقريبا 30 ساعه
فطلوع الشمس المفاجئ كان بسبب اتجاه الطائره فكانت عكس دوران الارض
ما راح اطول عليكم وصلنا ماليزيا بالسلامه تقريبا الساعه 1 الظهر بتوقيت ماليزيا
وانا طرت من السعوديه 11 ليلا بتوقيت السعوديه
ومدة الرحله 7 ساعات + 5 ساعات فارق التوقيت بين ماليزيا والسعوديه
بعد وصولي الى ماليزيا بحمد الله ورعايته
طبعا على طول وكون لي خبره ومعرفه بمطار ماليزيا
رحت على طول وعبيت الكرت
وهذا الكرت يعتبر فيزة دخول لك في ماليزيا وصالح لمدة 3 شهور من دخولك الى الاراضي الماليزيه
عبيت الكرت على طول ورحت خلصت من الجوازات وركبت القطار الي يطلعني الى صالة المغادره
اخذت شناطي وعلى طول او ما طلعت والا 6000 ماليزي بوجهي
الي يقولك تاكسي والي يقولك هوتيل
انا طبعا اعرفهم من اول واعرف سياستهم
انا على طول رحت لمكتب التكاسي وقلت له ابي تكسي يوصلني الى فندق الكراون بلازا
* كراون بلازا فندق خمس نجوم يقع بالقرب من مركز االمدينه ( وهو نفس الفندق الي سكنت فيه اول مره قبل سنتين)
اخذت التكسي وشال شناطي صاحب التكسي وحطهم بالدبه وجيت لك انا يعني على قوله اني تعبان ومالي خلق وافتح لك الباب واركب السياره والا ما اشوف الا الدركسون بوجهي
جاني صاحب التكسي وقالي خير وش فيه
قلت له اسف
طبعا انا لخبطت لان الدركسون هنا في ماليزيا على اليمين وبالسعوديه عندنا على اليسار
على كل ركبت التكسي واقلع فيني الى الفندق
نزلت في الفندق وحجزت عندهم وقلت لهم انا جيت عندكم قبل سنتين,,
قالوا عطنا اسمك الاول ؟
قلت هذا اسمي .....
قالوا لي ايه انت جيت عندنا بالتاريخ الفلاني وسكنت عندنا كم يوم وبالسعر الفلاني وحنا راح نعطيك ارخص من السعر الاول
طبعا عطوني ارخص
لان انا جيتهم اول مره في فتره الصيف والحين جيتهم ما في موسم سياحي عندهم فاكيد الاسعار راح تكون ارخص
طبعا كان ذالك الساعه 4 العصر ,,
فقلت احسن شي اني انام واقوم على المغربيه واروح اتعشى واخذ لي فره تذكرني في ماليزيا
طبعا انا سكنت قريب من مركز العاصمه
نمت الساعه 4 العصر وقمت تقريبا الساعه 8 ليلا
تعشيت واخذت لي فره سريعه بشارع العرب القريب من الفندق وطلعت لي رقم جوال على طول
رجعت الى الفندق تقريبا الساعه 12 وجلست بالوبي متقلب صفحات الانترنت وانتظر رد من اصحاب المكاتب في موضوع قبولات الجامعات
في الجزء القادم ,,,,
الذهاب الى السفاره السعوديه في ماليزيا
الاتصال بمكتب التقديم على الجامعات 
البث المباشر 
من مذكراتي ... بعد مرور سنه كامله على تواجدي في ماليزيا ...
!
!
!
!