..:: AC MILAN ::..

قصيدة تجسّد كل ما دار في حلقات المسلسل التركي (سنوات الضياع)




قصتي وياك قصة من قصص يحيى ورفيف
يوم كلٍ بالبداية يحمل الصدر الحنون

كان يحيى مخلص ووافي وعنده حب نظيف
وكانت العذرا رفيف تحب لي حد الجنون

مع بعض كانو ويحيى يقسم فتاتة الرغيف
بينه وبين الحبيبة وكسروا كل العيون

كانت الليلة سعيدة تحت أوراق الخريف
والبحر يلطم في موجه والهوى رف الغصون

تشهد القمرة وتشهد هالمنارة والرصيف
وتشهد الحارة وزفرات الأغاني واللحون

عاشقين ومخلصين وحبهم حبٍ عنيف
حب وافي وما تناثر بينهم شك وظنون

قال يحيى يا رفيف اليوم حبي لك شريف
وجاوبت قالت يا يحيى انت يا روح الشجون

لا تخليني يا عمري امشي بدربي كفيف
ولا تخلين العواذل وسط حبي يعذلون

عاهدت يحيى وجاوب خصرها الترف النحيف
ما علي من العواذل يسرحون ويمرحون

وراحت تخيط الملابس عند مشغلها الحليف
وحبّت الشخص المناسب وابتدى قلبها يخون

شافها يحيى تناظر في عجب لابن المضيف
وانهمر دمع المحاجر بين شكل وبين لون

وكسّر أبواب الزجاج وصار بإيدين العريف
وكانت الصدمة قوية وابتدى نزف الطعون

احجزوا يحيى ولكن اطلبوا مبلغ كليف
وقاموا أهله يجمعون وحاصرتهم هالديون

ماتت أحلام الأماني وانكشف وجهٍ مخيف
وابتدت هذي الخيانة بين يحيى والفتون

يحيى ما كان يتوقع ينهمر قلبه نزيف
لكن وجيه المظاهر غيرت وجه الزبون

اشهدوا كل القرايب واشهد الجمع اللفيف
انه الوافي وكل الناس حوله يلعبون

صاح من جرحه وعكّر في هواه ألفين كيف
وراح يشكي من جروحه ويسأل اللي يسألون

قال أبي أعشق وأغيّر كل ما حولي عنيف
وكانت العفرا لميس بوجهه اليابس ليون

وحاول يجدد هواه وما لقى جرحٍ طفيف
ما لقى يا كود عمق صوبه حد السنون

ودّه بنسيان حبه لكن الواقع سخيف
ما لقى حاول وجاهد ما لقى غير الركون

صارت أمطار المدينة في ربوع الحب صيف
وصارت أنوار المنارة ترهب اللي ينظرون

ما بقى بالبحر موجٍ يلطم الرجم المنيف
وما بقى لليل قمرة شعشعت ليل السكون

هذا كل اللي تبقّى من ورى حبٍ حنيف
وعادة الدنيا تفرّق كل من هم يعشقون

الوفى ما عاد ينفع باللي مثلك يا رفيف
قالها يحيى ودمعه ينهمر وسط العيون



طبعا محد ينكر ابداع الشاعر في تجسيدة قصة مسلسل كامل من خلال قصيدة

بهذي الروعة لكن بس ودي اعرف لي هالدرجة هالمسلسلات لها تأثير على

الناس لي درجة انهم يكتبون عنها الأشعار .. الله يستر من باجر ما خلصنا

من المسلسلات المكسيكية المدبلجة بالفصحى طلعوا لنا بالمسلسلات التركية

المدبلجة بالسوري ما ندري بعد اذا ودهم يعرضون مسلسلات أفغانية مدبلجة

بالخليجي ..

كبير يا كـاكـا

تكت ايزي تكت ايزي دايمن ميلان كبير ياعزيزي

rt7g@hotmail.com

الصفحة الرئيسية لموقع الرياضة إلى الأبد