هل من حل مع مشكلتي مع رسيفر maxx1000 :(

مدرب تكتيكي · 01-07-2008, 05:49

السلام عليكم ورحمة الله وبركاته

الحمدلله رب العالمين والصلاة والسلام على اشرف المرسلين وخاتم الانبياء سيدنا محمد وعلى اله وصحبه اجمعين اما بعد

بصراحه انا قبل اسبوعين تقريباً شريت رسيفر MAXX1000 الي يفك شفرات كل الباقات ولكن بشرط توصيله بالانترنت..وفعلاً فك معي كل الباقات شوتايم واوربت وغيرها..المهم يا اخوان فجأه مع الايام كل القنوات المشفره ماقامت تشتغل وكل ماتصل بالهندي راعيه يقول هذي مشكله بسيطه يومين ويرجع وانطر ونفس الحاله

فمادري هل في حل تعرفونه للمشكله هذي..اتمنى الي يعرف مايبخل علينا..

نيرو بيانكي · 01-07-2008, 06:50

عزالله مشكلة ..

رسيفرات الـ دي أس أل كلها واقفه بالكويت .. ماني عارف شنو السبب ؟؟

وكل ما أدق على واحد يقولي يومين ثلاثة والكلام هذا صارله تقريباً أكثر من أسبوع ..

ننطر ونشوف مو معقول الي قاعد يصير ..

مجنون ّ ليلى · 02-07-2008, 03:51

وعليكم السلام ورحمة الله وبركاته

هلا اخوي بدر

السيرفر موقف من قبل الشركة .. وانا سألت متى راح يرجعونه

الكل قال في هـ اليومين .. وللـ حين ما اشتغل

بس سمعت انه راح يرجع قريبآ جدآ

الرسيفر رائع بمعنى الكلمة .. ماخذه من 4 شهور .. وشغال معاي مثل العسل

هذه اول مره يوقف معي السيرفر

وياليت نخلي هـ الموضوع مثل رابطة لـ الرسيفر ماكس1000

على شان نعرف متى يشتغل السيرفر .. ولأي مشكلة تحدث مع مستخدمينه

قيس

مدرب تكتيكي · 02-07-2008, 03:57

^
^
اهليييين قيس..والله فاقدك..اذكرك داايم تشارك برابطه الانتر فجأه قطعت

عموماً كلامك ريحني كثييير والله..وان شاءالله يشتغل...ماقصرت اخوي وياريت تقولي اسمك ومن وين

انا بدر من الكويت

hawk · 02-07-2008, 04:16

اقتباس:

المشاركة الأصلية كتبت بواسطة مجنون ّ ليلى

وعليكم السلام ورحمة الله وبركاته

هلا اخوي بدر

السيرفر موقف من قبل الشركة .. وانا سألت متى راح يرجعونه

الكل قال في هـ اليومين .. وللـ حين ما اشتغل

بس سمعت انه راح يرجع قريبآ جدآ

الرسيفر رائع بمعنى الكلمة .. ماخذه من 4 شهور .. وشغال معاي مثل العسل

هذه اول مره يوقف معي السيرفر

وياليت نخلي هـ الموضوع مثل رابطة لـ الرسيفر ماكس1000

على شان نعرف متى يشتغل السيرفر .. ولأي مشكلة تحدث مع مستخدمينه

قيس

نفس المشكلة في الإمارات

و مقترحك حلو

مجنون ّ ليلى · 02-07-2008, 04:20

7
7
رابطة الإنتر والله بـ القلب ..

بس انشغلت في الفترة الأخيرة .. ووقتي محدود بـ المنتدى

واحاول اكون متواجد كثر الإمكان في رابطتني الأولى .. التانجو ..

ومتابع لكم بأستمرار في رابطة الإنتر .. ..

راجع الخاص .. وانا ابن بلدك ..

قيس

مجنون ّ ليلى · 02-07-2008, 04:27

اقتباس:

المشاركة الأصلية كتبت بواسطة hawk

نفس المشكلة في الإمارات

اقتباس:

المشاركة الأصلية كتبت بواسطة hawk

و مقترحك حلو

هلا والله بـ عاشق الإندبندينتي..

معاك ريفراوي .. وفريقي الثاني الإند..

خلاص تم ياشباب

وبـ حط لكم شغلات كثيرة عن الرسيفر .. راح تساعدكم بالتعامل معه..

قيس

مجنون ّ ليلى · 02-07-2008, 04:42

بخصوص الإنقطاع .. هـ الكلام من شخص خبير في هـ الأمور

اقتباس:

كما ذكرت الشركة او من يقمون علي تشغيله فنه حدث هجوم علي السيرفر الخاص بي الشرق الاوسط ونه في صدد تصليح الاعطال وانه راجع بعد اسبوع او اسبوعين علي الاقل

ان شاء الله ما يطول الإنقطاع

مجنون ّ ليلى · 02-07-2008, 04:49

الرسيفر العملاق Maxx1000 عالى الجودة واقل سعرا على الإطلاق
حيث يضم سيرفر هذا الرسيفر الرائع افضل القنوات الفضائيه وهي :-
ART
SHOWTIME
PEHLA
JAZEERA SPORT
ORBIT
ART ARABESQ
CNAL+ CYFRA
TPS
AB SAT
MULTIVSION لن تجدها الا على هذا الرسيفر
NOVA
TVN TV

فهذا الرسيفر عملاق بمعنى الكلمه لما يحتويه من الكثير من المواصفات
والتي سوف نوجز منها مايلي : -
سهوله التعامل مع قوائم المنيو حيث انها مشابهه لقوائم الرسيفرات
امثال(سكاي-هيومكس)
اللغه عربي/انجليزي
مدخل كرت شبكه سرعه 100 ميغا
سرعه التنقل بين القنوات
سهوله التعامل مع قائمه المفضله لعمل قائمتك المفضله
سرعه عاليه للالتقاط من قبل الريموت كنترول
خاصيه القفل الابوي
امكانيه تركيب الشفره بالريموت كنترول
امكانيه عرض خمس قنوات على الشاشه
امكانيه تجميد الصوره لعمل التقاط لها
لاتحتاج للكمبيوتر اثناء الشيرنج فقط من المودم للجهاز
لاتحتاج الى تطويره بالكمبيوتر حيث ان التطوير تلقائيا من قبل السيرفر
حيث تاتيك رساله التطوير وكل ماعليك ضغط موافق
وسوف يبدا الرسيفر في تحديث بياناته من قبل السيرفر
نظام MPEG2
دايسك 1.2
خدمه تيلتكست
خاصيه اوتو دايسك الرائعه
قائمه البرامج الالكترونيه
3200 قناه
===
وهذه الرقم يفتح الجهاز على طول لو نسيت الرقم السري

الرقم السري 3472/3742

مجنون ّ ليلى · 02-07-2008, 04:58

هذه اللي قدرت اجمعه عن الجهاز من النت

الجهاز كوري .. وفي داخله سيرفر لـ الشركة يفتح لك الباقات

وان السيرفر يأتي من فرع لـ الشركه في دبي لـ الشرق الأوسط

هذه اللي سمعته

قيس

Ziad · 02-07-2008, 06:53

ترى هذا الرسيفر من عائلة الجهاز لينك سات كلها تشتغل على نفس السفتوير ونفس السيرفر والسيرفر حاليا متعطل على الجميع وفي أخبار نه سيعود في الفترة القريبة القادمة إن شاء الله ...
وهذا موقع مزود السيرفر :
Protek Files

فهودي · 02-07-2008, 08:58

إن شاءالله القنوات بترجع قريب
ولكن الرسيفرات هذي فعلا تخوف ياشباب وانا احذر منها
السبب المهم من تتواصل معه ؟؟؟؟؟؟؟؟؟؟؟؟؟؟

ما سألتو نفسكم ؟؟
مثل المشكله إلي حدثت قبل كم يوم ماتدرون متى بيرجع بالضبط وهل الكلام إلي طلع عن ان السيرفر حقهم صارت له مشكله من اشخاص في الشرق الاوسط هل هذا الكلام صحيح ولا لا
رغم إن الرسيفرات موجوده عندي ولكن الكلام المضبوط
أجهزة السيرفر كلها ماهي مضمونه وخلونا نتفق مع الكلام هذا
ولكن شي اهون من شي مثل مايقولون
يعني الدريم والميوتنت والكاب كافيه والأجهزه الي تشترك عن طريق شخص تعرفه وتتواصل معه أهون بكثير رسيفرات سيرفراتهم خارج البلد في اوربا
إنتبهو من الرسيفرات هذي
وتبين من المشكله إلي حدثت ان اللنك سات والاوبن سات والاكس بوكس وووو كلهم من شركه وحده والدليل كلهم قطعو في وقت واحد
ولكن نقول إن شاءالله 90% بترجع القنوات ولكن .....

SCORER · 02-07-2008, 17:03

نتمنى ترجع
ومشكورين على المعلومات

@الجامح@ · 03-07-2008, 01:16

هناك مشكلة في سيرفر الشركة...

وهي طبعا منجة لعدة رسيفرات مثال عليها: لينك سات,ماكس 1000,اوبن سات وغيره...

نتمنى ان تكون قد وصلت الفكرة...وان شاء الله يرجع السيرفر افضل من اول...

تقبل تحياتي و تقديري...

الجامح..

البث المباشر	:: موسوعـه بكيـن 2008 :: [ احصائيـه الالعـاب المختلفـه ] , # لمـن فاتـه شيء #
البث المباشر	[:::] بوابة الانضمام لفريق نقل الاهــــداف [:::]

هل من حل مع مشكلتي مع رسيفر maxx1000 :(

اطرح جميع مايتعلق بالجوالات، القنوات الفضائية وغيرها