.. ’’ Top 10 Box Office لـ هذا الإسبوع ‘‘ ..

Liver19

في البداية ما اقول إلا يعطيك العافية اخوي The Silent Hero

انا عندي تعليق بسيط وسريع على بعض الأفلام

تقريبا من هالقائمة انا شفت 6 افلام وبكره بشوف السابع
وراح أعلق على اللي شفته بداية من رقم 10

بالنسبة لفيلم Kung Fu Panda
انا اعتبره من الأفلام الرائعة في عالم الانيميشن
الصدفة اللي خلته هو على قمة لاعبوا الكونغو
والروح العالية في الفيلم بالإضافة للكوميديا المعتادة في أفلام الانيمشين ...
الفيلم اعتقد انه يستحق المبلغ اللي ادخله في شباك التذاكر ...
والفيلم يستحق المشاهدة

Get Smart
بالنسبة لي انتظر هالفيلم لأنه ما انعرض في بريطانيا حتى الآن باقي عليه شهر
لكن في كل الاحوال Steve Carell ممثل ظريف وافلامه دائما كوميدية جميلة ..



Wanted
للأسف هالنوعية من الاكشن ماتستهويني واعتبارها سخافة بدون حدود
الفيلم بدأ يجيب لي الملل من اول ربع ساعة تقريبا ... وكل ما شفت حدث جديد فيه مبالغة بدون حدود زاد الملل بداخلي ..
ما احب اخرب على احد لأن الشباب اللي كانوا معي يشوفون الفيلم من أروع مايكون ..
بس انا ما تستهويني هالنوعية ابدا ..



Space Chimps
لقطات الفيلم كانت كوميدية .. لكن التقييم الخاص بالفيلم جدا سيء .. ويمكن من أسوء مايكون
ما أدري ايش السبب والعرض والحضور في شباك التذاكر جدا ضعيف ..
اعتقد فيه شيء غلط في الفيلم .. لكن عرضه عندنا على اول شهر 8 ميلادي ..



Wall-E
هالفيلم انا اعتبره تحفة بدون حدود في عالم الانيميشن
الأفكار اللي بالفيلم ..
طريقة أداء آخر روبوت بالعالم
أحاسيسه ومشاعره وطريقة تعامله مع الحياة
كان شيء إبداع بصراحة
الفيلم كوميدي بطريقة رائعة ..
الكلام اللي في الفيلم لو جمعته من أوله لآخره مايجي حتى كحوار لربع ساعة ..
الفيلم يستحق المشاهدة وبشدة
واعتقد ان تقييم 8.8 في موقع imdb ماهوب شيء سهل لفيلم انيميشن


Hellboy II: The Golden Army
اترقب الفيلم وبشدة في بريطانيا .. لكن اعتقد قدامي شهر لين يبدأ عرضه
الفيلم حائز على تقييم أعلى من الجزء الأول وهذا شيء ما تعودنا نشوفه لمثل هالنوعية من الافلام ..
بس أترقب الأكشن ...



Journey to the Center of the Earth
هالفيلم طبعا 3D يعني لو ماكان فيه عرض من هالنوعية ماتقدر تشوف الفيلم
الفيلم ظريف خفيف .. لكن ماهوب شيء قمة ..
ابدا اعتبره شيء عادي لأبعد الحدود
ماتتحسف لو راح الفيلم ولا شفته
ويمكن بعض المرات تتحسف لو دخلت الفيلم
انا اللي عجبني فيه ان الفيلم يعرض بطريقة ال 3D وهي اول تجربة لي من هالنوعية ..


Hancock
البعض يقولون ان هالفيلم سقطة لويل سميث
وانا اعتبره فيلم متميز لهذا الممثل
يعني قصة الفيلم ماكانت متميزة لكنها جديدة في عالم الأبطال الأقوياء ...
والأفضل ان البطل صار بطريقة مختلفة
العادة نشوف البطل هو القوي الأمين الخطير اللي مايخرب ولا شيء
ويل سميث كان له رداء يختلف .. وكان هو المخرب اللي يحب يشرب ويكسر كل شيء
فكرة الفيلم اعتبرها حلوة ( ماهوب متميزة ) وأداء سميث كان رائعة وطريقته الكوميدية زادت الفيلم روعة بصراحة ..
انا اعتبر الفيلم يستحق المشاهدة وبشدة ..


Mamma Mia!
الفيلم الغنائي لشريط Mamma Mia! ... هو فيلم في البداية حسيت معاه بالضجر لأني ما احب الافلام الموسيقية لكني جاملت زملائي لمن دخلته
لكن بعد كذا طابع الكوميديا بدأت توضح في الفيلم اكثر وبدأت اضحك مع الفيلم وبدأت اعيش جو الفيلم اكثر ..
الفيلم موسيقي واللي يحب الموسيقى ممكن يدخل هالفيلم ويتفرج واعتقد راح يستمتع بطابع الموسيقى وطابع الكوميديا ..
الفيلم ماهوب جاد مثل الافلام الموسيقية الثانية .. لا ..
يكفي انك تتخيل Pierce Brosnan وهو يغني



The Dark Knight
الفيلم اللي ماتوقعت انه يحوز على أي شيء من هالتقييم الخرافي ..
لكن الفيلم كسر كل الأرقام
فعليا في اول يوم عرض انا دخلت موقع ال imdb ولقيت تقييم الفيلم 9.9 وذي أول مره اشوف مثل هالرقم
جلست أتابع حركة التقييم بشكل يومي .. ولك ان تتخيل الرقم كان 31 ألف الساعة 4 العصر قبل ثلاثة أيام
والساعة 5.20 دقيقة المصوتين صاروا 43 ألف واحد والتقييم متمسك برقم 9.5
واليوم اللي بعده ارتفع ل 9.6
ومازال عدد المصوتين يزداد لكن فعليا حسب توقعي ان الفيلم راح ينزل تقييمه إلى 8.7 أو 8.8 في أحسن الأحوال ..
فمهما كان إبداع كريستان بال او هيث ليدجر ( المتوفي ) فما اعتقد انه راح ينافس أساطير الأفلام الخالدة ..
الفيلم انا حاجز إني اشوفه بكره العصر ... بشوف الفيلم وبيكون لي رجعة مرة ثانية لإعطاء إنطباع شخصي عن الفيلم ..


اعتذر لو اطلت في التعليق ...
ولكن إبداع الموضوع شدني

أساطير الكرة العالمية