هاردلكم التعادل ..
وبإذن الله راح نفوز في البرنابيو ، لكنـّي مقهور قهر من فترة ما انقهرت مثله !!


للأسف شوستر دايمـاً يبي يسوّي روحه جريء !!
ياما دخل بتشكيلات غريبة غير متوقعة للأسف !

عموماً امس فيه شيء عجبني في اليوفي ، وهو انّ لاعبينه سيّروا المباراة على كيفهم ،
يعني يخـلون لاعبين ريال مدريد يهاجمون على طول ، ووقت اذا حسـّوا بيصير عليـهم مباشرة يحتفظون بالكرة !
وللأسف كان هذا الشيء لازم يصير عندنا مو عندهم !!

عمومـاً شنايدر وفارت اذا بيشاركوا مع بعض لازم يكون لاعبين خلفهم ،
ديلاريد مثل ماقلت فبل اللقاء انــّه اهم لاعب في وسط ريال مدريد ، والوحيد القادر على ربط المحور بالصانع !

هجومنـا عقيم كالعادة والسبب الغبي ثم الغبي ثم الغبي شوستر ،
ماراح انتقد راؤول ، تخيـّلوا كابتن افضل فريق في العالم ، واكثر لاعب يلعب في الفريق آخر السنوات بعد كاسياس ماعنده ( لا سرعة ولا مهارة ولا خلق فرصة ولا المرور بأسوء لاعب كرة قدم وتمركز ) ، وفي الأخيير كله متسلل !
هذا هو الدور الخفي .. عجل كيف يكون الدور الخفي ؟

عموماً تكلمـنا ماتكلمنا هذا العلة واقف في الفريق ،
وماراح نسوّي شيء ، !!


عموماً نجي للاعبين ، الدفاع امس كان مميـّز ، لكن المشكلة اخطاءه اخطـاه مبتدئين ، اجـل القول الأول كانافارو يخلـّي ديل بيرو كذا ؟ ، الهدف الثاني الخطأ الأول من بيبي ( هذه تمريرة ؟ ) والخطأ الثاني من هاينزه احد اسوء لاعبين اللقاء بجانب ( راؤول وفارت ) !


امس غاغو وشنايدر رائعين ، خصوصاً شنايدر !!


ايضـاً فيه شيء في الفريق ، سواء عجبكم يالأعضاء او ماعجبكم .. هذا رأيي وانـا متأكد منـّه ،
روبينهو اكثر لاعب مفتقده الفريق ، هذه مبارياته ، روبينهو من نوع اللاعبين ال يخلصـون مباراة حتى لو ماطلع لك طول المباراة ، وللأسف مافيه لاعب حاليـاً في الفريق مثل روبينهو !

عموماً نستنى روبين ، صج انـه امس قدّم اضافات لمـا دخل ، لكنه بطيء جداً في تخليص هجمة او في تمرير كرة حاسمة ، وهنـا الفرق بينه وبين روبينهو !


هاردلكم حبايبي الخسارة ، اكيد يوم ليك ويوم عليك !