Dr.M

ابو حميد يا مال العافيه ما يوحشك غالي..خليها على ربك بس..وان شاء الله راح احاول اكون معكم قدر الامكان..

توني كروس..هو انت نفسك خوينا طارق مانشافت ولا لا ؟

راح ابدأ في المواضيع واحد واحد على عجل والله يقدرنا وسامحونا على القصور

اولاً موضوع لوكا توني
بالنسبه للوكا وقت تعاقد البايرن معه كان صفقه ناجحه بصراحة..تسجيل 33 هدف في الكالشيو ويكون حامل الحذاء الذهبي في اوروبا..ومع نادي يعتبر من اندية الوسط في ايطاليا.. ما اعتقد انه راح يحققه لاعب سيء مثلاً..وحتى استمراره على الاداء المتميز في الموسم الاول له مع البايرن وفي تصفيات كأس العالم كان متميز وهداف الطليان..اما في كأس العالم فالطريقة الايطاليه العقيمه الممله هي السبب في سوء مستواه..وعلى فكره هدافين ايطاليا في كأس العالم هو توني وماتيرازي بهدفين لكل واحد
وانا ما ادور له اعذار ولكن فيه مشكله ألا وهي بدأ من تحت الصفر..اكثر من نص عمره الرياضي في الظلام وفي دوري الدرجه الثانيه وما استوعب انه هداف الا بعدين..ومعدل اهدافه بشكل عام جيد جداً إلى ممتاز على مدى تاريخه..ولكن مشكلته الحاليه ان طريقة لعبه تعتبر "دقه قديمه" ما توكل عيش..صح طويل ولوح ..بس موب دايم يبي ينفعه يحضن على الكوره وتمشي معه خصوصاً انه يحب "ينام" في التسلل وبطيء جداً ومعدوم المهارات الفردية تقريباً
والموسم الاخير طلع لنا بانانيه ودلاخه وبصراحة الآن لا يمكن الاعتماد عليه كمهاجم وحيد ابداً ابداً..يحتاج مهاجم متحرك مثل كلوزه يخلخل له الدفاع وهو يسلتم الكوره بالراحه يسجل..يعني الله من الدجه لو شفنا غوميز مع توني بالهجوم
مختصر لوكا توني بدون زيادة هرج :
اعتقد البايرن اخذ منه كل ما يحتاجه ويا ليت يبيعونه دام انه يبي يجيب كم مليون يورو ينفعنا..وآآآه لو تمت صفقة مقايضة ميلان جوركوف بلوكا توني..والله كانت ضربة معلم قريبه من صفقة ريبري من هونيس..واتمنى من الاداره انها تبحث عن مهاجم صغير مهاري ينفعنا..نيلمار على سبيل المثال..مهاجم برازيلي ممتاز ممكن يتطور معنا كثير..او حتى يتعاقدون معه ويعيرونه لأي نادي ممكن يلعب اساسي حتى يجينا جااهز



بالله يا جماعه في احد محوم كبده هالجيزاني راعي تويوتا غيري ولا لا

بالنسبة لموتينيو انا سبق وقلت لاعب ممتاز ومهاري..ولكن المشكلة ما له مكان في البايرن..فهو باختصار لاعب رقم 10 بالفريق واحنا ما نحتاج هذا بالعكس واعتقد الالزم حالياً المحافظه على ريبري والتعاقد مع نوير و بوسنغوا..وموتينيو يحلها الحلال بعدين..لو حسينا انا محتاجين لاعب بعدين ما فيه شيء يمنع "للمعلوميه في خبر قريته قبل فتره ان البايرن رابع اكثر فريق بالعالم ارباح السنه الماضيه بعد الريال والمان والبرشا..الملايين ذي بالله تروح وين "



شغله لفتت انتباهي من الاخ توني كروس ألا وهي مسألة سانيول ..هذا كلنزي يا حبيبي كلنزي ان شاء الله لي موضوع قريب بكتبه بس خلوني امخمخ ازبطه لكم



هذا اللي عندي الحين والباقي بعدين ان شاء الله


خارج النص..تخبرون فهد الغشيان لاعب الهلال ..وتخبرون انتقاله للنصر كيف انهاه.. وربي من اول ما شفت رونالدو يوم انه ابو 18 سنه وانا قايل هذا فهد الغشيان والظاهر هذا الفصل الاخير وهذي نهايته

الصفحة الرئيسية لموقع الرياضة إلى الأبد