السلام عليكم ورحمة الله وبركاته

كل عام وانتم بالف خير .. والشهر مبارك عليكم
وشخباركم مع رمضان ؟ ان شالله تكونون بخير وصحه

هذا ثالث موضوع لي في الالبوم .. وش السالفه ؟
إلي حاط لي عمل يعترف .. ترى احنا في الشهر الفضيل والكل يبي الخير

نترك المصاله الزايده وندخل في الموضوع .. انا اكره احط مقدمه لأحد مواضيعي لان لو جيت بعدين وقريتها اضحك

المهم ندخل في صلب الموضوع على طول .. ..
الموضوع ومافيه عباره عن اول يوم قضيته انا واثنين من اصدقاي إلي يعزون علي مره في رمضان
عزمتهم في الشقه وضبطت لهم الفطور .. لانهم كانو شايلين هم الفطور .. ووعدتهم وعد إن كل شي راح يكون تمام
ومن ناحية الاكل ماراح يحسون بالغربه .. لكن من ناحية الجمعه والاهل .. خلونا ساكتين احسن

الاهل ماقصروا .. ارسلوا لي جريش للشوربه و رقاق سمبوسه والاغراض إلي احتاجها .. والفيمتو شريته من البقاله العربيه
ترى كل شي من شغل يدي .. ويالله لك الحمدلله وماهو فخر بس بجد بجد بجد كأنه شغل الوالده ( الله يذكرها بالخير )
يمكن لانها ماقصرت عطتني كل شي بالتفصيل .. ومن جد ما توقعت الدعوه سهله ..
والحمدلله ضبطنا احلى فطور .. إن شالله بنكون على كذا طول رمضان

نبدأ في الصور إلي عددها / 11 صوره

بسم الله نبدأ .. .. التعليق تحت كل صوره

اول خطوه تحمية الزيت .. بالنسبه للقدرين إلي على اليمين ، الاول إلي مسكر فيه الشوربه وراح تشوفونها بعد ما تخلص
والقدر الثاني كنت ناوي اسوي شعيريه .. لكن ما ضبطت لان طلع نوع الشعيريه غريب
انا شاريها من بقاله هندية .. طلع نوع مختلف وحق طبخه خاصه لهم .. المهم راح تشوفون شكلها المضحك

//

وهذي السمبوسه بعد ما لفيتها وجهزتها .. على قولة صديقي لان دراستك هندسه عرفت تهندسها

ملاحظه للعجازات / يوم كنت في السعوديه اشوف اخواتي يسوون سالفه على السمبوسه
وبس هذي هي ؟ والله انكم دلوعات وما عندكم سالفه .. ايه دلوعات ونص بعد

//

وهذي بالجبن .. سويتها علشان واحد من اخوياي يحب الجبن .. قلت وربي ما اخلي في نفسك شي

//

التمر .. طبعاً من السعوديه

//

طلعته علشان اسوي لنا جيك .. وراح تشوفون صورته تحت مع الصور النهائيه

//

الحين قرب الاذان .. وبدأ الشغل والقلي

//

//

وهنا كل واحد بدا يغرف له ، لان خلاص الاذان على وشك .. لكن لاحظوا الشعيريه شلون !!
على الرغم من إن شكلها مقرف ومدري كيف صاير .. إلا ان طعمها حلو

//

وهذا الفيمتو .. ياحلوه وهو باااااااارد

//

وتعرفون ماعندنا قنوات عربيه .. لكن فيه موقع اسمه تي في جومب .. اشتركت في جميع القنوات العربيه
لمدة شهر بـ 20 دولار

//

هنا الطريقه .. لاني شابكه عن طريق اللاب توب

//

وبكذا انتهى يومنا الاول بعد عناء صيام طويل .. من 5 إلى 8 .. لكن الله يعين إن شالله
والحمدلله استانسنا وحسينا بنكهة رمضان .. وكل يوم بنسوي مثل هالشغل
واليوم واعدهم بشاورما .. يعني كل يوم نسوي صنف زايد وجديد ..
بالنسبه للجو .. من جد جو هادي وفلة شباب .. لكن فقدان الاهل له دور كبير
وخصوصا في هالشهر إلي متعود تجلس بطاوله طويله عريضه ومعك اهلك وصجه وحوسه

قبل ما اخلص .. احب انوه على شغله .. ياليت الكل يشكر اخوي برستيج على تضبيطه لصور
وهالادمي ذوق في كل شي وربي

الله يوفقنا يارب .. والله يسهل الصيام علينا يالمغتربين
والله يجعلنا من صوامه وقوامه

اعذروني على الإطاله

اخوكم / بدر

منقول للامانة بس التنسيق تنسيقي

__________________

البحث عن مواضيع لنفس العضو