Baggio .. 10

السلام علييكم ورحمه الله وبركااته

الكل يمكن استغرب من العنواان .. هالعشر دقايق كاانت قمه بالروعه والمتعه ..

يمكن الكل يتساائل شنو صاار بهالعشر دقااايق ..

اتوقع ان البعض يقوول يمكن كاانت هالعشر دقايق اللي تلقى فيها خبر تخرجه من كليه الحقووق في الجامعه ..

لاا ماهي هالعشر دقااايق اللي اقصدهاا ..

ولاهي العشر دقايق اللي تلقيت فيها خبر تخرجي من الثانويه .. ولا ولا ولا ولا ..

بكلمكم عن هالعشر دقااايق مع التااريخ بعد .. قبل عشر سنواات ..

التارييخ 25 - 11 - 1998

الوقت : قبل منتصف الليل

كاانت في مباراة في دوري ابطال اوروبا ..

بين انتر ميلان و ريال مدريد .. وكاان دوور المجموعات وكانت الجوله الخاامسه
وكاان معاهم بالمجموعه فريقين وهم : سبارتاك موسكو الروسي و شتورم النمسااوي

مارااح اتكلم عن هدف الانتر اللي ضرب برجل زامورانو بالشووط بالثااني ..
ولا هدف التعادل اللي سجله سيدورف للريال برأسيه قويه ..

راااح ابدااا كلااامي من دخووول نجمي الاوحد لأرض الملعب ..
ومن خرووج بااام بااام وجلوسه على دكه البدلااء ..

يعني من دخوول روبرتو باجيو بديلا لإيفان زامورانو ..
وبدت متعه العشر دقااايق مع دخوول الكبير باجيوو ..

في بداايه الهجمه ..

كاانت الكره مع الكابتن بيرغومي (( آن ذااك )) مررها لباولو سوزا على ما اعتقد اللي بدوره لعبها الى دييغو سميوني واللي عدا من راؤول ومررها لباجيو اللي لعب ون تو مع سااق سيدروف !! وسددهاا في المرمى معلن عن هدف التقدم الثاني للانتر ..

وجن جنووون السان سيرو بعد تسجيل هالهدف .. دكه الاحتياط والطاقم التدريبي والطبي كلهم توجهووا لزاويه الملعب اللي احتفل فيها الملك باجيو بهدفه الثميين ..
والجنوون لم يقتصر على دكه الاحتياط والطاقمين الطبي والتدريبي .. بل امتد الى الجماهير اللي ثاااارت وقااامت تصييح بإسم ملكهاا باجيووو ..

واستمر اللعب .. والسجاال في الملعب ..

والكره تأتي تحت اقداام سميوني .. ومررها لباجيو اللي هرب من مصيدة التسلل وانفرد بالحاارس .. وبحركه مهاريه عدا من الحاارس واودعها بمكانها اللي تعودت عليه اقداام هذا الملك بااجيوو (( المرمى ))

وبداا الملك يلف الملعب ومن وراه لاعبين الانتر وكأنهم جند من خلف قااائد الكتييبه (( الملك بااجيوو )) الى ان حطت بهم الرحااال في عقرر داار المدريديين (( مرمى الريال )) واحتفلوو داااااااخل مرمى الريااال جميييييعااا ..

باجيو .. رونالدو .. خافيير زانيتي الوااعد ان ذااك .. الكابتيانو بيرغوومي .. جالانتي .. ونتر .. وست .. جويت .. حامي العريين باليوكا ..

وكل لاعبيين الانتر ..

واستمر الجنوون في الملعب وكأنهاا عدوى نشرها روبرتو باجيو في كل عشاااق .. واستمرريت انا الف في الغرفه (( عدوى باجيو الجنونيه اصابتني وانا في الكوييت .. عدوى عاااابره للقارات ))

وهتفت جماهير الانتر في الملعب وفي كل العااالم باسم الملك بااجيوو .. الى ان انتهت المباراة وبعد المباراة استمرت الهتافات والصيحاات باسم الملك الاوحد بااجيوو ..

قصه عشر دقايق حبييت اقوولها لكم وتكوون اول موضوع لي بهالمنتدى الرائع سبورت فور افر ..

وسامحوني على الاطاله ..

دمتم بود ..

الصفحة الرئيسية لموقع الرياضة إلى الأبد