العوّام

ياحيا الله الحبايب ,,,

بعد اذن الاخوان , ارغب في الرد على الغالي فارس برد سريع وخطافي وبعد ذلك سأعود للتعليق على ردودكم


ياهلا والله وغلا بفارس ,,,,

ياخي انا سعيد جدا لأن 90% من ردك في صلب الموضوع , مع ان فيه جزئين ( ماللموضوع فيهم اي علاقة لكن سأعلق على شيئا من هالجزئين لتوضيح الصورة فقط

يعني من المعروف عنك يافارس ان اغلب مشاركاتك عبارة عن ( ردود ) وناااااااادرااااا ما تكتب موضوع مع ان اغلب ردودك تكون عادة في غير صلب الموضوع فكيف تريد ان يكون للاعضاء ردود عليك وانت ( لا تكتب ) مواضيع

وبعدين كان قلت لنا من زمان انك ترغب في ان تكون مراقب اوعلى قولة سمير غانم ( ........ ) علشان نبلغ إدارة الموقع بهذا الامر وإذا ( إقتنعو ) فيك يحطونك

لا يمكن اكتب شيء غير مقتنع فيه , هذا اولا , ثانيا , ما اذكر اني كتبت موضوع وانا ( عضو ) وما كانت علية ردود , بل على العكس كان الاخوان الاعضاء ( نصراويين وهلاليين وغيرهم من الاعضاء يشاركون فيها وبشكل معمق وبروح عالية جدا ) , فرانكلين ما ادري ايش جاب سيرته الان الله يذكرة بالخير ونشوف مشاركاته معنا عن قريب , بالنسبة لمواضيعي بعد المراقبة ( هي قليلة جدا ) هذا اولا ثانيا الرد ماهو واجب على احد وهناك الكثير من الهلاليين ما ردو على موضوعي وحكاية ان مافي شيء ترد علية اصلا ( راح نشوف هالامر في بقية ردك )

هذا هو الجزء الاول من ردك الذي ليس له علاقة بالموضوع ( رديت علية واتمنى ان لا يتكرر ) لأني اهتم كثيرا بمناقشة ما يحتوية الموضوع فقط لاغير وايضا قوانين المنتدى تمنع مثل هذا الامر ومن الصعب ان اقوم بتحرير مثل هذه الامور في مواضيع الاخرين واتركها واناقشها في موضوعي ,,,

مشكلة اذا انت تقول ان النصر ما عنده شيء بسبب المؤمرات !!! انت يافارس نادر , او انك مش متابع كويس , الكل يتكلم عن مؤامرات وعن افلام ( انت فينك من زمان ) يعني خلاص نتفق الان انه مافي مؤامرت ولا افلام ولاغيرها واي واحد يقول مثل هالكلام نقول له راجع فارس !!!!
كلام ابو خالد عن المناظرات , راح اناقشك في اخر طلب لأبو خالد عن المناظرة ( مباراة النصر والاهلي السابقة ) , ايش رأيك يافارس في ضرب سيزار لخالد بدرة ؟؟ وايش رأيك في إعاقة الحارس للمهاجم , الا تستحقان عقوبة الطرد ؟؟ <== منطقيا لازم يكون الجواب نعم , وعلى كذا احسب الباقي واسأل نفسك على ايه يطلب ابو خالد المناظرة واخطاء الحكم واضحة جدا ؟؟ يعني تتوقع ان فيه احد راح يجي يناظر ابو خالد ويعطيه من وقح الكلام ويخرج معه بدون اي اعتراف منه ؟؟ اخطاء الحكم في هالمباراة واضحة جدا وتابعها الجميع وابو خالد لسا يطالب بمناظرة وان فريقة محارب !!!


الخطة التي اسقطت بغداد ( ضرب من كل الجهات وبجميع انواع الاسلحة ومن جهات متعددة وقطع طرق التموين على الجنود و و واللي خطط هو قائد الجيش الامريكي المتمركز في قطر ) <== هذي خطة اسقاط بغداد , انا سألت عن الخطط اللي يتكلم عنها النصراويين وعن من الذي يخطط ( نرغب في معرفة شيء ) ممكن تساعدنا ؟؟

كيف كلام مفتوح وبدون بينة ؟؟؟ انا اتكلم عن الحكام اللي سبهم رئيس النصر

ياعزيزي من حق اي انسان ان يدافع عن نادية ( بحجج ) وان يرفع اي اتهام , وان لا يعطي احدا فرصة علية ابدا , لكن من غير المنطقي ان يُقال لصحفي انه ( حشرة او ذبابة او خفاش ) بسبب انه مدح النادي المنافس , او بسبب انه انتقد اداء لاعب نصراوي ( كان اداؤه ضعيف ) او بسبب انه انتقد حارس المرمى الذي تصرف تصرف سيء , كلامك عن الاوربت غير صحيح فكم مرّه انتقدو الهلال ولاعبية وقالو فيهم من الكلام الغير طيب ولم يخرج علينا رئيس الهلال او اي هلالي بكلام ( وقح ) , القناه الثانية الان اصبح تسب الهلال وتقف ضده ولهذا هي تعجبكم وتعتبرونها اصبحت عادلة انتم ياعزيزي لا تطالبون بالعدل انتم تطالبون وتتمنون ان يكون الجميع ضد الهلال فقط لاغير


اذا ما تتذكر , نذكرك يافارس بما قال عن الهلال وبدفعه للرشاوي , وعن الاهلي وكلامه عن رشوة المهنا للمشاركة في تحكيم بطولة الصداقة , وعن جمهور الاتحاد الذي وصفة بمن لا يملك الجنسية

إظهار اخطاؤهم ( نعم هذا ما نرغب فيه ) اما وصفهم بما لايليق وتشبيههم بالسوس والعكوز والكلام الاكثر وقاحة هذه امور لا يمكن قبولها , وبعدين وين خيانتهم ( ممكن تعطينا امثلة ) فاللجان تم حلها لإرضاء ابو خالد , والبطولات تم توثيقها لإرضاءه , ولاعبي النصر يتم التجاوز عنهم لإرضاء ابو خالد , وين خيانتهم له ؟؟ المفروض يشكرهم ويمجدهم


رمز الفشل والخيبة , حارب ( الهريفي ) بسبب انه انتقد اسلوب الادارة , وهاهو يحارب ماجد بسبب انه لم يتنازل عن دخل مباراة اعتزالة , ومنع هبة سالم مروان الذي خدم النصر فؤاد انور ومنصور الموسى والمهلل <== لم يغب احد منهم عن تمرين , ولم يقصر احد منهم في واجباته , وفوق هذا تعرضو لشرة , فما علاقة هذا الاسلوب بالنظام والاستهتار !!؟؟

يعني انت الان كأنك تقر بكلام ( ابو ناصر , وفارس المطار , والمنصة الشمالية ) <== هؤلاء لا يطبلون لرمز الفشل بل يؤكدون ان وجوده شؤم وضرر على النصر ( هذي امثلة فقط ) وهناك الكثير من الاخوان النصراويين الذين لم يطبلو للارهابيين


مشكلة كبيرة عند بعض النصراويين ( المطبلين ) وهي انهم يرون ان اي واحد ينتقد رمز الفشل يعتبر مندس , وعلى كلامك هذا اجل عندنا في المنتدى هنا ( من قدامى النصراويين ) كم مندس انتقدو رمز الفشل
وبعدين كيف ناخذ راحتنا ؟؟ هذا احنا نفوز بالبطولات ولا وقفنا رمزكم ولا جبنا خبرة , احنا نفرح لما نعرف ان فيه من النصراويين من اكتشف الحقيقة وتأكد ان رمز الفشل لا يؤخذ من كلامة شيء وماهو إلا هرطقة

هههههههه حلوة يافارس , يعني تبي تقول ان رمز الفشل قال ان خسارة النصر من الهلال هي دفعة بلاء لأن النصر ما انهزم من تولي دانيال قيادة الفريق !! لا كلامك هذا مو صحيح لأ، النصر ((( انهزم من الاهلي ))<== صادوه وبقيادة دانيال


هيا دفعة بلاء او لتصحيح الاخطاء ؟؟ ياخي مافية مجال للترقيع , رمزكم دائما يجيب العيد وهو متأكد ان فيه مطبلين يرقعون

يعني انتم واثقين 100% بالفوز ( ممتاز جدا ) وهذا اللي نطالب فيه لأن الرائد لا يمكن يكون عقبة في طريق النصر سواء رغب ام لم يرغب ,,,


ياخي كيف اشرح لك هالنقطة ؟؟ ترى انا قلت : فالهلال قد ضيع فرصة دخولة للمربع من فترة سواء عن طريق مستوى غير مؤهل في بعض المباريات ,)) واعتقد كلامي هنا واضح جدا جدا

كيف اتسع الشق على الراقع ؟؟ يعني تبي تقول ان الاتحاد السعودي بكبرة عجز انه يخلي حكم مباراة الشعلة والقادسية يدعم الشعلة ؟؟ او ان الاتحاد السعودي ( انتدب العقيلي ) علشان يسند الهلال وما قام بالواجب وانقلب ضدة ؟؟

حلوووة , لكن ستة كثير يافارس , عموما كلامي عن اخطاء حمد الخثران المقصود منه ان البرناكج ركز على خطأ الغامدي رغم وجود اخطاء الخثران وهذا هو التمييز اللي افرحكم وخلاكم تقولون ان القناه الثانية بدأت تصبح جيدة

لا مايصير هالكلام , ترى ممنوع استخدام الخطوط الاجنبية ترى لابد من دعم الخطوط السعودية , اقول لك يافارس الهلال لا يوجد له فرصة في الوصول للمربع وانه حجز المغادرة من بدري , تجي تقول لي انكم راح تحجزون لنا اوت مايصير يوباه انتم فوزو واحجزو لأنفسكم ونافسو وجيبو بطولة تستركم وخلو عنكم الكلام

ياخي انت مش مجبر انك تقول كلام ( وقح وبذيء ) اذا ما عجبك موضوع مو شرط انك تقول لكاتبة انت سخيف لأنه راح يرد عليك ويقول انت طفل فعلشان كذا احنا قلنا نحط هالفقرة من ضمن القوانين علشان نحميك ونحمي كاتب الموضوع من بعض السخافات <== هذا هو الجزء الثاني الذي ليس له علاقة بالموضوع اتمنة تجاوزة

و100% من مواضيع النصراويين لابد للهلال علاقة , والله يافارس احترنا من هو الباديء وصارت السالفة مثل سالفة البيضة والدجاجة


نعم النصر متقدم بعدد الفوز مثل ما ضمك متقدم بعدد الفوز على النصر , حكاية الثلاث سنوات هي لتوضيح ان ما كنتم ترددونه غير صحيح فقط لاغير , فالنصراويين يقولون ان النصر حرم الهلال من الفوز ثلاث سنوات والحقيقة ان الهلال والنصر متعادلين بعدد مرات الفوز في هذه الثلاث سنوات والفارق انه الهلال في هالثلاث سنوات فاز ببطولتين خارجيتين كان النصر يمني نفسه بالفوز بهما

تحياتي وللردود بقية ,,,,

الصفحة الرئيسية لموقع الرياضة إلى الأبد