Riyad`s day in AFNORTH School - Part 2

R.M.O · 22-11-2008, 00:56

الســلام عليكـم و رحمـــة الله و بركــاته ,,

رجعنالكم بعد غيبة لمدة اسبوعين على ما اعتقد

لكـن وش أسوي تعرفوني و الأشغاال .. أخويا

هذا الجزء الأول للي ما قراه ( Riyad`s day in AFNORTH School - Part 1 )

نكمـل السالفة .. أعرفكم متحمسين لإسلوبي المشوق << بالحيل

لكـن عشان ما اكذب عليكـم .. كتبت نص القصـة قبل اسبوع بالضبط
لكـن بنص الكتابه .. أخوي الله يهديه تعكرف و على اللاب توب

والشاشة راحت للأسف

لكـن وش نسوي صغنون مايدري وين الله
حاطه

,,

المهم بلا هالخرابيط .. أبيكم تعذروني بس

نبدأ السالفة من جديد :-

و بعد ما بلش رياد و تذكر كل شي .. قعد يفكر
بحل لهالمشكلة .. لكـنه بالأخير سحب و راح
يلعب " Soccer

" و يبعثر مهاراته
قدام الأمريكان خاصة خويتنا " Jemi

" طبعاً
هذي البنت الوحيدة الي تلعب معانا كورة .. طبعاً
معاي بالتيم و حنا مكونين ثنائي مرح

حتى ما انسى أول مرة شفتها تلعب معانا رفعتلي
كورة " لأنها ياحول ما تحب تدخل بوسط الملعب
ماغير بالطرف و ترفعلنا " لكـن رفعات على السايز

و انا ما قصرت على الطاير و ارتطمت بالعارصة
طبعاً هم انهبلوا ماعندهم واحد يلعب زين لأن أغلبهم
بالكورة الأمريكية و كم واحد صفقلي

وهي جت و سوينا " Hi Five " الي هي كفك

و طبعاً أنا ما كبر راسي ياويلي

,,

المهم أكملكم خلص الـ " Lunch " و رحت
لحصة الـ " Velocity & Acceleration ..etc "
طبعاً أول ما وصلت جيت أبقعد خوينا " Victor " يقاله
يمزح و سحب الكرسي لكـن الحمدلله رياد كان سريع
البديهه و مسك روحة قبل ما يطيح

,,
و بدينا الدرس و خلصناه الحمدلله كان درس مشوق
قليلاً لأننا سوينا " Lab " و فله و طلعنا و رجعنا
يعني دراسة فله مب بالسعودية

يكرهونك
بشي اسمه دراسة .. لكـن الدراسة بالسعودية يحليها
العيال

المهم الحين نبدأ بقصتي مع الـ " Headache "
رحنا للـ " Last Period " الي هي " Accounting "
الي مي يعرفها تسمى " محاسبة "

.. لكـنها بورينغ شوي
بس وش نسوي يبيلنا ناخذها بدال تاريخهم الحفله

المهم أبدأ بالدرسة و أسويلك كم تمرين بالـ " Transactions "
و خرابيطها .. فجأة !!

يدخل علينا الـمستشار المسمى بـ " Mr. D " ياحبيله
هالآدمي قسم بالله يا هو حليل بدرجة غير طبيعية
الله يخليه لنا بس

المهم دخـل و قال " Can I talk to Riyad please "
طبعاً يعاني استاذنا الحبيب .. و جاوب الإستاذ بكل روح طيبة

" Go ahead Riyad " و انا طلعت و كلمته المهم
هو سألني وشلون ترجع اليوم لبيتكم مدبر عمرك يعني قايل
للسواق يجيك متأخر شوي عشان التمرين و كذا قلتله " Ya sure "
قال " Ok.. Good job " المهم راح هو و انا رجعت للكلاس
و يوم جلست فكرت بروحي وشلون أباكل لأن التمرين يخلص الساعة
5:40 مساءً و تغيب الشمس الساعة 5:00 يعني منب قاعد على
لحم بطني لذا الوقت و البلى التدريب زيادة .. فأخذت إذن من الإستاذ
و رجعت أكلم المستشار حقنا و شرحتله قصتي قال أوكي خل نروح
لـ " Miss Willard " يمكن عندها خفايف تصبرك لين ما ترجع
قلت أوكي أحسن من لاشيء

,, طبعاً هي عندها مطبخ صغيرون
عشان كذا و فيه ثلاجة بعد

,,

لكـن للأسف

مالقيناها

,,
راح قالي رح شف إذا قدرت تلقاها بالـجيم يمكن تلقاها
قلت أوكي .. يوم خطيت خطوتين قالي نو نو ويت ..
قلت وات ؟ ,, قال خل نروح للـ " Nurse " يمكن عندها
شي .. طبعاً أنا قلت أوكي ليش لأ .. و عشان ما أغبي
عليكم انا من زمان وطي أروح لمها ليه ماادري و ماحصلي
وهالمرة جت من ربي

.. رحنا و قلتلها قصتي بعد

قالت اصبر .. وتروح تتغبا ماادري وش تسوي بغرفه ورى مكتبها

و ترجع و معاها شيين صغنونين ماادري وشن .. لكـن زي ما قلتلكم
أحسن من لاشي .. و كلتلها ثانكس و يوم مشينا نادتني هي هي
كوم باك .. قلت وات بعد ؟

قالت عندي شي زيادة
إذا تحب .. قلت أوكي شور .. طلع جيبتلي كيسه حاطه فيها
كورنفليكس الشياب << انا اسميه كذا

,,

المهم انا ماودي أقول لا قلت أوكي عطينا

و تقعد تحقق معي ليش صايم وو..ألخ و انا عطيتها
الزبدة إني أقضي صيام رمضان الي ما صمته لأني
مسافر ولا حصلي أصومه كله فـ قاعد أصومه حالياً

المهم و أرجع الكلاس و خلصنا .. جأ وقت التمرين الحين
و الله و اروح الـ " Locker " حقي و أحط خرابيطي و آخذ
الـ شنطة حقتي و أروح الجيم و أغير ملابسي و كنت متأخر
طبعاً لأني سويتلي شغله بسيطة مع أحد الأخوان

,,

و قعدت أدور أي جيم 1 ولا 2 ولا 3 ولا 4 .. سألت واحد
قالي 2 .. جيت بدخل التفتت علي وحده قالتلي .. خير
سلامات وين يالأخو " طبعاً بالإنجليزي

" قلتلها
والله بروح تدريب الـ " Basketball " قالت ايه ادري
بس ترى هذا حق البنات .. أنا انلخمت طبعاً ,,
قلتها طيب يا مس وين حق العيال قالتلي بثقل بعد
هناك بجيم 1 .. أنا عطيتها نظرات و مشيت

حتى ما قلت ثانكس ..

المهم اروح يوم دخلت لقيتهم بادين بالـ Warm up
و انا كنت شايل ( وانتم بالكرامة ) الجزم حقتي لأني مستعجل
و وقفت عند الباب ألبسهم .. سألني واحد جمبي من الرجال
الظاهر مساعد الكوتش ماادري وشو .. المهم سألني
قالي ترانا ماحنب بموسم الكورة و هذا تدريب باسكت بول
قلتله أدري " طبعاً سألني لأني كنت لابس الإنتر

"

المهم دخلت بالتدريب .. و انا ماتعود على هيك تدريبات

يعني كرف قسم بالله البوش أب سو 50 ورى بعض ولا اقضب
الباب .. طبعاً انا حاولت باللي أقدر عليه الي هي 40 و مشاها لي
لأن أخوتا " Mr. D " مصوي علي

,,

المهم و نبدأ بالركض .. أنا ركضت يمكن لمدة ساعة إلا و وقفت
بديت أحس بالدوخة لأني صايم و ما أكلت قبل 12 ساعة تقريباً
فبديت ما اشوف زين تعرفون اذا بديت تدوخ تطلعلك هالألوان الفله

المهم و اسحب روحي و اروح للكوتش و اقوله بطلع الله لا يهنيك
و كنت أشوفه بنص عين هو قالي اوكي اوكي جو جو

,,

أنا كنت يالله أشيل عمري و اروح لغرفة تبديل الملابس
و اجلس بحدى الكراسة و الساعة كانت 4:10 ,,
و ارتاح شوي احتري نبض القلب يهدي شوي ووو..الخ

المهم هديت شوي وراحت الدوخة أشوى الحمدلله

,,
و غيرت ملابسي ورحت جلست بين جيم العيال و البنات
الي هم 2 و 1

و البنت ماغيرها للحين موجودة
طبعاً محد تكلم مع الثاني

و مشت هي ولا كأني موجود

و انا ماعبرتها

المهم و انا قاعد و يطلعلي ذاك البزر " حدود الـ 6 سنين "
الي ليته ما طلعلي .. ماادري من وين جأ .. بدا يسأل و يخربط
وو..الخ

انا زقت معي بديت أسفه .. يكلمني ماادري .. آخر شي
صرخت بوجهه قلت " Go away please .. i`m tired "
قال اوكي سوري .. ومشى .. المهم و انا احتري الساعة 5 تجي عشان
أبدأ بالوجبة الخطيرة

.. فجأة ينفتح جيم البنات .. انا ماسك روحي
تعرفون مالها داعي مع البنات لحالي ولد

,, هم عادي
عندهم .. لكـن ماعمره حصلي هالموقف قبل .. بالعادة بنت وحده
ايه .. لكن لحالي و حولي حول 20 بنت .. صعبة

المهم والله و يطلعون من الجيم الأولى أعرفها قالت هاي و راحت
تشرب مويه ماادري وش تسوي بعد و قعدت تسولف مع خوياتها
و قعدت بمحلي اناظر الأرض و ماسك راسي من عقب الدوخة
و سألتي وحده " Was there a bioloby H.W "
انا التفت و لكن سبقتني وحده معانا بالفصل بعد و ردت
بعدين قالتلي الي سألت .. أوكي ثانكس نوثينغ ,,

أنا ابتسمت و رجعت لحالتي نفسها

.. بعدها
بشوي جت بنتين بيجلسون بالكرسي الي جالس فيه
قالت وحده للثانية لا لا تعالي هناك .. انا حسيت إنه
تقصد طس وش مقعدك هنا حول جيم البنات

ولا بعدها نادت كل البنات تعالو هنا .. أنا حسيت
إني قاعد بينهم فسحبت روحي و رجت للحمام

!!

جأ وقت الفطور .. لكـن الحين مشكلة جديدة

مامعي شي أشربه .. تذكرت فيه " Machine "
بالكافيتيريا فرحت و أخذت عصير برتقال لأن مافيه
مشروبات غازية للأسف

.. لكـن للصحة زين

و أروح والله و آكل فطوري و بعدها فكرت أرجع
للتدريب قلت لا والله وش يرجعن خلاص منب
مكمل معهم لأني هالأيام بكون صايم و اذا بتدرب
لازم أتدرب الإسبوع هذا كله عشان أدخل التيم
لكتي قلت وش ورانا خل نصبر لموسم الكورة " الربيع

"

فغيرت وجهتي لمبنى المدرسة

طبعاً قريب كلها 5 متر
و أدخل و ألقى خويتي و أسولف معاها و ساعدتها شوي
بواجب الفيزياء و ساعدتني بعد بالعربي ساعدنا بعض
و جا بعدها بشوي خوينا فيكتور و كملنا الواجب .. خلصنا
وقعدنا نسولف و حددنا لنا طلعة الويكند الجاي لبيت فيكتور
أنا ما صدقت لأنها بتكون أول طلعة لي مع أخويا من يوم
ماطبيت هولندا قبل 6 شهور

,,

المهم هذا الي صار أدري الخاتمة ماادري وش تبي

لكـن بحاول أكتب قصتي بالويكند ووش صارلي مع " Victor & Matt & Trudy "
الأخيرة من الجنس الناعم

,, طبعاً ماكان بالمستوى الويكند
لأننا كنا منحوسين .. ما ودي أحرف عليكم لكـن خلوها متى ما فضيت كتبتها

تشــآآآو

و عساي توفقت بالطرج

R.M.O

__________________

البحث عن مواضيع لنفس العضو

أمل روما · 22-11-2008, 01:10

موضوع مخربط
معليش بس ما احب اجامل

__________________

البحث عن مواضيع لنفس العضو

R.M.O · 22-11-2008, 01:14

اقتباس:

المشاركة الأصلية كتبت بواسطة أمل روما

موضوع مخربط
معليش بس ما احب اجامل

تسلم حبيب ألبي على المشاركـة ,,

بس شكلك والله ما قريت ولا العنوان .. لأن مالي
إلا دقيقة كاتبه

__________________

البحث عن مواضيع لنفس العضو

عرين البلوز · 22-11-2008, 01:51

شكـــ،،،ــــرا

؟

؟

؟

؟

؟

؟

؟

؟

؟

همـــسه: لــو نظـــمت كـــان الى عقـــولنـــا وصـــلت

__________________

البحث عن مواضيع لنفس العضو

şмίĻε вσч · 22-11-2008, 02:07

عزيزي رياد

الجزء هذا اعتقد انك ما ابدعت فيه زي اللي قبله

كتبت القصه وانتا مشوش اوممكن مستعجل

كمان يا ليت تقلل من المصطلحات الأنجليزيه

تقبل انتقادي

__________________

البحث عن مواضيع لنفس العضو

maldini_333 · 22-11-2008, 02:22

القصه الجاية فيها جنس انثوي اجل الله يعيننا عليها

تسلم القصه مشعتره شوي ولكن تبقى حلوه وننتظر الجاية و نبغاها بنفس الطول او اطول

__________________

البحث عن مواضيع لنفس العضو

المســتشــار · 22-11-2008, 02:55

مشكور عزيزي
لكن مادري .. كثرة المصطلحات الانجليزية هل هي إصطناع او لا شعورياً !
على العموم لاهنت على القصة
فـواضح انك تعبت عليـها ومالنا سوى الشكـر

__________________

البحث عن مواضيع لنفس العضو

R.M.O · 22-11-2008, 10:54

اقتباس:

المشاركة الأصلية كتبت بواسطة المســتشــار

مشكور عزيزي
لكن مادري .. كثرة المصطلحات الانجليزية هل هي إصطناع او لا شعورياً !
على العموم لاهنت على القصة
فـواضح انك تعبت عليـها ومالنا سوى الشكـر

حياك يالغالي

,,

تبي الصراحه .. والله انا اكتبها لا شعورياً .. لكـن أولاً لأني أكتب بالعربي فأكتبها بالعربي زي " واي .. وات .. هاو ..الخ " فبعضهم أعدلهم للإنجليزي و الباقي أنساه

,,

__________________

البحث عن مواضيع لنفس العضو

R.M.O · 22-11-2008, 10:56

يعطيكـم العافيـة شباب على طلتكم ,,

وعلى الإنجليزي .. والله اعذروني لأني متعود
أتكلم انجليزي تقريباً اليوم كله فلازم تطلع كم
كلمة على إنها انجليزي لكن اكتبها بالحروف العربية
سوري

وعلى التنسيق و الأفكار .. حنحاول نرتب ان شاء الله

__________________

البحث عن مواضيع لنفس العضو

انتراوي هجراوي · 22-11-2008, 19:23

اقتباس:

عشان ما اكذب عليكـم .. كتبت نص القصـة قبل اسبوع بالضبط
لكـن بنص الكتابه .. أخوي الله يهديه تعكرف و على اللاب توب
والشاشة راحت للأسف لكـن وش نسوي صغنون مايدري وين الله
حاطه ,,

هذا اللي مااحبه انا !!

يعطيك العافيه رياد ملعبكم ملعب مزروع والا تراب زينا في الحواري اللي تعلبون فيه كوره

وفريق السله تلعبون دوري في سلام دانك في سبيس تون دوري المدارس خخخخ

__________________

البحث عن مواضيع لنفس العضو

INTER coach · 23-11-2008, 21:42

مغامراتك ممتعة بالنسبة لي و عجل علينا بقصة عطلة الأسبوع

__________________

البحث عن مواضيع لنفس العضو

البث المباشر	كلاسيكو الحقيقة والخيال والمتعة ، من سيعزف أنغامه فيه
البث المباشر	-\|¤\|- تصنيف الروابط الإخبارية العالمية لـ شهر أكتوبر / 10 / 2009 -\|¤\|-
البث المباشر	-\|¤\|- تصنيف الروابط الإخبارية العربية لـ شهر أكتوبر / 10 / 2009 -\|¤\|-
البث المباشر	نائب رئيس الإتحاد الإيطالي و المايسترو ألبرتيني ضيفا على رابطة ميلان - حصري -

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)