ما هو التروفي ؟

S.Nasri · 21-03-2009, 18:39

السلام عليكم ..

انشالله انك تستفيدون من هالموضوع ..
وطبعاً راح اتكلم عن التروفي واحاول ادخل بمخك شنو الحلو بالتروفي !

اغلبكم مايهتمله واغلبكم يهتمله
وراح احاول اتطرق الى الرياضة شوي علشان تفهمون شنو التروفي !

!

اولاً

::

مواقع التروفي

@ps3 -- Joystiq [Playstation]

PS3Trophies.org

هذيل اكثر موقعين زيينني ومنظمين

..

الحين راح ادخلكم على الموضوع ..
بس اول شي راح اذكر تروفي الرياضة عشان شوي شوي نتسحب لي الموضوع

..

كلكم تعرفون في دوريات بالرياضة مثل الانجليزي والالماني ..الخ !
الي يفوز بالدوري يعطونه كاس ..الله يسلمكم هالكاس يعتبر Trophy
وطبعاً معناة كلمة تروفي اهي كأس ..
وهذا اهو التروفي بالرياضة كاس لمن يفوز الفريق بلقب بطولة او شي !

....

!

نفس الحال .. التروفي معناته كاس .. وبالسوني همن كاس ..
لكن طريقة السوني شوي مختلفة يعني بالرياضة لازم تفوز بالمباريات !!..
بالسوني لازم تسوي الشي الي يطلبه منك يعني مثلاً بكول اوف ديوتي 5 ..
يطلب منك انك تنهي التوصيل كله .. عشان يعطيك كاس فضي او ذهبي على حسب !

فانت لازم تقوي لغتك الانجليزية عشان تفهم شنو يطلب منك عشان تخلص التروفي ..

وانواع التروفي :

Platinum
البلاتنيوم تطلعه لمن تخلص كل التروفيات ملوت الشريط الي تلعبه فقط !
وطبعاً في اشرطة مافيها بلاتنيوم ..
او بعض الالعاب من الستور مافيها !

..

Gold

هذا على حسب لمن تشوف التروفي طق عليه شوف شنو كاتبيلك باذا Gold شي زين
لان الجولد يخلي تروفي مالك يزيد وايد !

بس مو اكثر من البلاتنيوم

..

Silver

نفسهم عادي بس مايزيد وايد على الاقل يعطيك بس 2 %تقريباً

..

Bronze

مايزيد كلش وايد اكثر شي اكثر شي 2 % !!

..

الخلاصة :

بما انك تحب تحدي تحدى ربعك على التروفي ..اشتر العاب وتحداهم ..وترى منت خسران شي ترى التروفي والله ماكنت احبه لكن الي شجعني لمن طلعت جم شي ..

* ترى التروفي ماله شغل اذا كنت اونلاين او اوف لاين !

..

في شغلة الكثير منكم مايفهمها .. اهي كلمة Hidden
لمن تقراها بالمواضيع ملوت التروفي ..
هايدن يعني مختفي !
بس بالتروفي مرات تلقى تروفي يكون شكله (؟؟؟)
علامات استفهام ..
هذا اهو الهايدن
تبي تطلعه شلون ؟
يا انك تقرا شتسوي عن طريق مواقع النت او تخليه ماتسويه

*اي واحد مافهم النقطة احاول اوضحله اكثر
!..

مهم حييل ..اقروه

Quote:

اقتباس:

ٍماذا قد تحصل من وراء زيادة نسبة الحصول على التروفي في ألعاب PS3 ؟ الواضح أنه لا شيء حاليا . ولكن بالاعتماد على خبر نشر في مجلة Playstation الرسمية الصادرة في الولايات المتحدة الأمريكية , يظهر أن الوضع سيتغير قليلا . حيث قالت المجلة أنهم سمعوا من أن Sony الأمريكية تقوم حاليا بالتحضير لنظام مكافئات حديث للتروفي . وبالطبع لن تكون مكافئات مالية , ولكن يتوقع أنها أمور تتعلق بالحصول على حصرية اقتناء بعض الألعاب التجريبية وأمور أخرى . وبدرها رفضت Sony التعليق على هذا الخبر .

قريته من احد المواقع والمصدر ماقدر اشوفه لاني مو مسجل بالموقع

..

**
* ترى كاتب الموضوع في منتدى اخر

اي نقطة تلقونها صعبة احاول افهمكم ..

على دروب الحب نلتقي

__________________

البحث عن مواضيع لنفس العضو

Manchester Utd · 21-03-2009, 18:54

موضوعك عسل

بصراحه انا اول ما شريت السوني وكنت العب واشوف اشياء تطلعلي فوق في الركن اليمين وكنت مستغرب

بس لما عرفت انها تروفيز مرره اتحمست للعب وسرت استمتع لما اطلع تروفيز

احلى شي فيها

صوت التروفيز

طرب × طرب

يعطيك العافيه

__________________

البحث عن مواضيع لنفس العضو

kaka-22- · 21-03-2009, 22:00

ههههههههههاي ..

طربان عشان الصوت ..

مشكووووووووووووور أوي على الموضوع ..
والله توي أدري وش السالفة ..

__________________

البحث عن مواضيع لنفس العضو

البث المباشر	-\|¤\|- تصنيف الروابط الإخبارية العالمية لـ شهر أكتوبر / 10 / 2009 -\|¤\|-
البث المباشر	-\|¤\|- تصنيف الروابط الإخبارية العربية لـ شهر أكتوبر / 10 / 2009 -\|¤\|-
البث المباشر	نائب رئيس الإتحاد الإيطالي و المايسترو ألبرتيني ضيفا على رابطة ميلان - حصري -

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)