اخر المواضيع :
|
عيديه الانتر من ميلتو هدف وثلاث نقاط |
|
اخر المواضيع :
|
[::] Inter FC News Center - 2009 | 2010 [::] |
|
اخر المواضيع :
|
╝◄ النقل المباشر : تشلسي Vs ارسنال╝◄ وصلات للمباراة |
|
اخر المواضيع :
|
[::] FC Barcelona News Center - 2009 | 2010 [::] |
|
اخر المواضيع :
|
[ هام جداً . . لـ جميع الأعضاء الكرام ] |
|
اخر المواضيع :
|
[::] AC Milan News Center - 2009 | 2010 [::] |
|
اخر المواضيع :
|
اللي يكذب ياخالد الفيصل يروح فيييين .. يروح النار .. صح ..؟؟ |
|
اخر المواضيع :
|
[::] Real Madrid C.F News Center - 2009 | 2010 [::] |
|
اخر المواضيع :
|
|[ الكأس الختامية «لندن» - ATP World Tour Finals ]| |
|
اخر المواضيع :
|
[::] Manchester United FC News Center - 2009 | 2010 [::] |
|
اخر المواضيع :
|
اللاعب الهندي كشف الوجه القبيح..... |
|
اخر المواضيع :
|
[::] Juventus Fc News Center - 2009 | 2010 [::] |
|
اخر المواضيع :
|
[::] Chelsea FC News Center - 2009 | 2010 [::] |
|
اخر المواضيع :
|
قسم الليغا الإسباني tripped AE detector |
|
اخر المواضيع :
|
الاندية التي لعب لها رونالدو اساطيرها ارجنتينيين |
|
اخر المواضيع :
|
تأجيل ديربي الغربية |
|
اخر المواضيع :
|
[::] Deportivo La Coruna News Center - 2009 | 2010 [::] |
|
اخر المواضيع :
|
كـالياري يضرب اليوفي بـ قوة " وينتصر بـ ثنائية !! |
|
اخر المواضيع :
|
DANY 2 tripped AE detector |
 |
 |
 |
||
|
|
|
||
 |
|
 |
|
|||||||
| البريمير ليغ الإنجليزي We'll Keep the Red Flag Flying High |
 |
|
|
LinkBack | أدوات الموضوع | انواع عرض الموضوع |
|
|
05-04-2009, 22:42
|
#1 (permalink) | ||
|
كاتب مميز
|
اللحظه بلحظه .. مباراة استون فيلا المجنونه .. !!
السلام عليكم ورحمة الله وبركاته
  مباراة جنون كرة القدم مباراة الكبرياء المانشستراوي حبيت اني في هالموضوع اكتب اللحظات اللي صارت فيني اليوم من هالمباراة ، ربما البعض تكون هالمباراة عنده عاديه ، لكن بالنسبه لي انا كنت اشوف انها مباراة لعودة زعيم البريمرليج الى مساره الصحيح عودة بطل اوروبا وانجلترا والعالم الى جمهوره الــ 333 مليون في العالم كانت هالمباراة اشبه بالنهائي بالنسبه لي .. !!  يارباااااااااااااااااااااااااه شنو اقول وشنو اخلي  هالمباراة احاتيها صار لي اسبوع .. سبحان الله كاني حاس انها راح تكون مناسبه خياليه ومباراة مجنونه اليوم في الدوام .. حالتي مسبه وضايع .. الربع يشتغلون وانا قاعد اطالع الويل واتذكر المان .. مفهي بالعربي  اعصابي كانت قبل المباراة تالفه فما بالك اثناء المباراة .. !! رديت من الدوام الساعه 4 .. دشيت الرابطه كتبت رد وعقبها قلت خلني اريح لساعه قبل هاللقاء اللي يرفع الضغط حتى قبل بدايته .. في البدايه .. النفسيه زفت ، وفوق هذا اخواني عندي مع الوالد الله يحفظه اللي مسكت غلط اليوم الا يشوف المباراة والدوري الانجليزي لاول مره في حياته  الله يخليه لي ما جا الا بهالمباراة  هدف من الدون .. وصراخ وحالتي حاله والاعصاب وصلت حدها هدف التعادل لعب فيني لعب .. قعدت اسفل في جاري نيفيل لين قلت بس طبعا في تلك اللحظات الوالد قاعد يطالع فيني وساكت ومخليني على راحتي ، متحملني ومتحمل عصبيتي بدى الشوط الثاني واعصابي في الحضيض .. ايست من اداء اليونايتد في الشوط الأول جات الكارثه ولحظة التأييس الحقيقي بالنسبه لي ، هدف اجبنلاهور ، تعبت نفسيا ورحت فيها بالعربي قعدت اسب وقعدت اصارخ وفوق هذا كله .. الوالد الله يحفظه .. قعد يصارخ علي ويقول انت مريض ومجنون .. تحرق اعصابك وتبي تموت علشان هالانجليز اللي ما دروا عنك الصراحه ما الومه لانه اول مره يشوفني وانا معصب ومتنرفز والله في هذيج اللحظه تمنيت الارض تنشق وتبلعني .. فوق مو مأيس من المان يجي الوالد ويشخط فيني كرهت نفسي وكرهت كل شي حولي .. والله علشان أكون صريح معاكم .. الدمعه نزلت .. ما تحملت اشوف اليونايتد واهوا بهالحاله الصعبه نزلت راسي ووقعدت اسمع صوت العتيبي وما قمت اشوف اللقاء ، عقبها بدقيقتين مسكت نفسي شوي وقلت بس بس نبي التعادل ، قلت ابي التعادل قبل الدقيقه 80 علشان يمدينا نفوز . لحظة تغيير ناني بالايطالي .. للاسف قعدت اسفل بالسير واقول الفريق خسران وتطلع ناني ، المهم جات الدقيقه 80 .. هدف افضل لاعب في العالم .. يالبييييييييييييييه يالكريستيانو يالبييييييييييييييييييييييييييييييه يالبرتغالي لا تسالوني شصار .. اخواني اللي قعد يصفق واللي قعد يقول كريستيانو مشنص واللي واللي واللي .. الا انا ساكت وفرحان شوي .. اخوي يقول لي شفيك مو مستانس بالتعادل .. مارديت عليه .. مايدري انه الكبرياء المانشستراوي فيني ما يبي الا الــ 3 نقاط دخول ويلباك مكان تيفيز ، وهم نفس اللحظه تسفيل في السير خخخخخخ والله لو اني في الملعب جان ذبحوني الجمهور من عصبيتي هجمة ويلباك ذبحتني لما ضيعها وقلت لا خلاص النتيجه تعادل والكوره مو راضيه تدش والحقير فريدل استقعد لنا .. بعدها جات كورة ايفانز اللي طافته وهني ايست من الفوز .. لحظة الهدف ... جيجز آه ياجيجز .. شسويت فينا .. ضحك على الملايين وعلي لما توقعوا الاغلبيه انه راح يرفعها الا فجاه يعطيها الى الشاب الايطالي .. ماكيييييييييييييييدا يالبيه يالايطاليين كلهم .. يالبيييييييييييييييه يالايطالي مليون وه .. هدف على طريقة روبيرتو باجيو  - جنون في لحظة الهدف وربي انجنيت !! .. قعدت ابجي من الفرح واخواني منصدمين مني .. واحد من اخواني يقول في نهائي موسكو ما بجيت هالبجي .. ما يدري انه انا مو متعود اني اشوف اليونايتد يخسر 3 مباريات ورى بعض والله حاشتني رعشه على بجي على فرح على ما ادري شنو .. ياربااااااااااااه لحظات والله ما انساها من حياتي .. ذكرتني هاللحظات في مباراة ايفرتون لما قلبناها عليه 4 - 2 طبعا هاللحظات احلى واجمل وجابت برود الوجه للأنتي يونايتد  ادري طولت عليكم بس شسوي بالمانيو وعشقه  جنون شويه اقوله عن المان .. عشقي له والله اكثر من العشق ..  مجنون حبك ياسبايب جنوني .. الحمدلله اني مانشستراوي Glory Glory ManUnited Glory Glory ManUnited اتمنى من عشاق المانيو الـــ 333 مليون ، كل واحد يكتب شصار فيه في هالمباراة ،،، ...   __________________ التعديل الأخير تم بواسطة ♥ Sir.AzMu ♥ ; 06-04-2009 الساعة 00:14 |
||
|
|
|
05-04-2009, 22:57
|
#2 (permalink) | ||
|
كاتب مميز
|
آآآآآآآآآآآآآآآآآآآه ياعزوز
..قبل يومين كنت أسولف أنا وتركي وكنا نقول هالموسم مافيه مباريات حماس زي قبل موسمين والموسم اللي راح .. نقصد مباراة نتذكرها طول العمر من الحماس والجمال .. وسبحان الله مباراة الفيلا ما بقت فينا أعصاب .. آآآآخ اكتفيت من هالمباريات اليوم ..أبي نحسمها من البداية يكفي الفيلا للذكرى ..الدووووووون .. ماكيدا .. السييييير ..
__________________ |
||
|
|
|
|
05-04-2009, 22:58
|
#3 (permalink) | ||
|
مراقب قسمي الكرة البرتغالية واللجنة الإخبارية ورئيس رابطة الكرة البرتغالية وأفضل رئيس رابطة إخبارية
|
الله يلوم اللي يلومك يا عزوز
مباراة صج مجنونة بـ معنى الكلمة .. و فترات فيها تناقض بـ الأحداث .. يعني تلاعبت بـ أعصابنا بشكل مره .. مره تحس إن الفيلا يسرح و يمرح ,, و مره تشوف دفاعنا مسرحية و الفيلانز يتقدم عليك ! و فجأة فرحة جنونية ! بـ إختصار المباراة لعبت فيني لعب .. و ما أخفي إن طول المباراة وأنا أنتقد الفريق .. لأنه أغلب فترات المباراة مو عارف يمسك النص ! و سبيت ليما قلت بس ..! لكن بـ وجود فيرغي و الدون و كيكو ! لا تستغرب الفوز حتى بـ أصعب اللحظات .. و أنا معصب على مستوى الفريق ليما الدقيقة 80 .. كان عندي أمل إننا نقلب النتيجة .. رغم الإحباط الكبير وقتها ببساطة لأن المان ما تضمنه بـ دقيقة يحطلك قولين و الفيلا مطقاقتنا المفضلة  فديت الموضوع و اللي كاتب الموضوع و ربي يحفظ لكم الوالد
__________________ |
||
|
|
|
05-04-2009, 23:21
|
#6 (permalink) | ||
|
مراقب قسم التصاميم والجرافيكس ونائب رئيس رابطة الإتحاد
|
أحبك يـولد عمي أحبك أقـسم بـالله هـ المـباراه هي مباراه الأعصـاب كله فـي ذا الـموسم اللي يـلاحظ الفريق وأدائه يقـول هذا مو بطـل العـالم ولا شي اللي يـلاحظ تلاعب أستون فيلا فينـا يقول هذا الأول بدون شك لـكن الأسد كـان مجروح وتعـافى امام الفيـلانـز بأسوى الظروف شوط أول شفته الشوط الثاني تآبعته فـ الرآبطه وربي :حب:  . . . The Legend __________________ |
||
|
|
|
|
05-04-2009, 23:37
|
#7 (permalink) | ||
|
كاتب مميز
|
أقسم بالله ما أقدر أوصف الشعور لكني اتصلت على صالح بعد الهدف بشويفحسيت انه يتفرج على الماتش من النت والبث متأخر عنده شوي فسويت حالي زعلان لما شفت صالح عادي مو مبسوط ما ادري كيف قدرت أغير نبرة صوتي قلت له كم الدقيقة عندك قال لي 91 قلت بقلبي مطول الهدف باقي له دقيقتين واتصالي اقول كلمة واسكت مايصير قلت له جاري نيفيل انطرد واسحبه بالكلام شوي شوي زين ماسكر بوجهي من كلامي الممل لحد ماسمعت صرخة الهدف ويصايح وجاء شعور غير طبيعي طبعا ماقدر يتحمل وقلت له ارتاح المباراة انتهت وهـ الحمدلله يارب بس شيء غير طبيعي لا يوصف
عزوز العاهة أنت اسطورة البريمر ليغ التي لن تتكرر الله يخلي لك الشايب يارب ويطول عمرهالمرقب العالي هبوبه قوية   __________________ |
||
|
|
|
|
05-04-2009, 23:55
|
#8 (permalink) | |||
|
كاتب مميز
|
والله ياهي فرحه ياعزوز
, ماني بعيد عنك اقتباس:
" سبحان الله وبحمده سبحان الله العظيم عدد خلقه ورضا نفسه وزنة عرشه ومداد كلماته " __________________ |
|||
|
|
|
|
06-04-2009, 00:27
|
#9 (permalink) | ||
|
كاتب مميز
|
عزوز
اسال مهند شنو قلت له لما نزل ماكيدا قال انا ما احب الايطاليين جذي لله قلت له صدقني لما بيحط قول راح تحبه وشوفه الحين حبه حب جنوني بالنسبة للمباراة لا تعليق , صوتي مبحوح ورا المباراة احلى لقطة , لما والد ماكيدا قعد يبجي ياااااااااااااااه الله يخليلك الوالد بو سعيد  معاني الحب ما توّفي ,, لو بوصف مدى الإعجاب ............... لا حروف الكلام تكفي ولا يكفيني فيك كتاب __________________ |
||
|
|
|
|
06-04-2009, 00:57
|
#10 (permalink) | ||
|
كاتب مميز
|
يا هو هالمباراة جنون اقسم بالله ....!
ايييه والله انفعال اكثر من اي مباراة اخرى .. اول مرة يجيني جنون لهالدرجة ...! طول المباراة وانا اسب اونيل ولعبه ضدنا .. وباري ... فرحة ثم ياس خفيف ثم ياس قوي ثم فرحة جنونية ايييه والله هدف في الدقيقة 92 هز جسمي كله ... الدمعة نزلت اليوم الدمعة نزلت ... الروح اييه على الروح اليوم ... ! لقطة اثرت فيني كثيرا ...! 1) لقطة الكابيتانو  وه يا نيفيل بس .. يا حبيبببي لك .... التعصب المانشستراوي ...كم اعشقك يا كابتن 2) لقطة السير وهو معصب ويطلب من الجماهير تعلي اصواتها وتشجيعها في بداية الشوط الثاني 3) فرحة رونالدو وماكيدا بالهدفين ... وفرحة الراين وكاريك بالهدفين ايضا الروح الروح ...! هالفوز اهداء لجيرارد الفيلسوف مثل مدربه مشكور عزوز على الموضوع العاهة مثلك ...وهالتوقيع اهداء لك
__________________ |
||
|
|
|
|
06-04-2009, 01:21
|
#11 (permalink) | |||
|
كاتب مميز
|
اقتباس:
يا حبك حق الفضايح انت والله حبيييييته حب مو طبيعي فديت ايطاليا بكبرها والله بفتره من الفترات قعدت متربع مالي خلق شي كنت ابي امشي بس قلت فشله اهد حسين بروحه قلت خل اكمل هالنص ساعه و اقوم بس احلى نص ساعه ب 2009 كلللللها مبرووووكيييين الفوز
__________________ |
|||
|
|
|
|
06-04-2009, 05:56
|
#12 (permalink) | |||
|
كاتب مميز
|
اقتباس:
صدقني بعد الهدف الثالث مادري ايش سويت الي منها لحد الان ظهري فية الم . حركة مفاجئة ولا ايش ماعرف وماحسيت فيها الا بعد مانتهت المبارة بمدة . خويي دق على بعد الهدف الثالث قلت له لسا ترى باقي 3 دقايق ماانتهت المبارة ابوك يالخوف .  واللة ياشباب كل ماشوف هذا يرد كورة امس مايجي في بالي غير مبارة بلاك بيرن الي قبل موسمين 4/1 الي صد فيها كورات ماهي طبيعه وعذبنا وفي النهاية سكولز فكة واقول يارب انة يتكرر نفس السيناريو .  Says Sir Alex Ferguson : We are in this club in the Continuous challenge and we must consent all of new challenge __________________ |
|||
|
|
|
|
05-04-2009, 23:20
|
#13 (permalink) | ||
|
مراقب قسم البريمير ليغ الإنجليزي
|
والله يا عزوز
أقولك شنو صار فيني ما تصدق ! طبعاً قبل لا تبدي المباراة كنت مخلص كل شي شغلي في الدراسة و في المنتدى .. وقعدت أطالع المباراة وفيني تأمل بـ الفوز ، وواثق بـ تيفيز اللي اهو من أسوء اللاعبين ، المهم شفت التشكيلة وخفت بـ صراحة ! الدفاع مو مطمن والشي هذا بين في المباراة ! أكثر خط سيء كان الدفاع الجميع وخصوصاً نيفيل ممكن ما عدا إيفرا الذي كان رائعاً .. لمن سجلنا الأول إستانست وقلت خلاص المانيو رجع ! ولكن بعد ما شفت الظغط لـ أبناء أونيل و اللعب والإمتلاك بشكل أكبر لهم .. قلت لا مو وقتها ! وقولوا التعادل والدفاع لا تعليق .. محد مصكر على كارو ! إهني تنرفزت وحدي معصب واي تمريرة خاطئة منا أعصب وأصارخ .. والبيت كله يسمعني حتى اللي بغرفهم .. لمن قولوا الثاني وهم غلطة من الدفاع ، وصل العداد ألف .. وقعدت ساكت لـ آخر شي لأن قلت بس خلاص ماكو فايدة اللعب لهم والحكم غبي وفايزين ، ماكو فايدة خلاص !  بعد ما قول رونالدو هدف التعادل .. واليوم رونالدو يعتبر هو المنقذ ! ردت الروح ولكن مازلت ساكت ، لأن خفت الحكم يستعبط ويعطي دقيقتين أو 3 بدل ظائع ! المهم ولله الحمد أعطانا 5 دقائق وعلى قولة العتيبي كريم وقتها الحكم ! انا حسيت إن الإيطالي راح يسوي شي .. واحساسي كان بمحله ! طبعاً عرفت من خلال تحركاته .. ورغبته في اللعب وإبراز نفسه ..  وسجل هدف الفوز واهني حالتي ما اقدر اوصفها .. نقزت وصفقت ورقصت و سمعت العالم كله ! عرس أخوي يمكن ما سويت جذي ! ما أكذب عليكم إن وقتها دمعت عيوني .. وطبعاً دموع الفرح ! اليوم كان يوم مو طبيعي ..
 __________________ |
||
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
|
الساعة الآن 20:16.
العاب - العاب بنات - الفراشة - عالم حواء - الحياة الزوجية - منتديات - طيران - سفر - ابراج – حظك اليوم - اخبار - كليبات - العاب فلاش - اغيثو غزه |
||
| Powered by vBulletin® Copyright ©2000 - 2009, Jelsoft Enterprises Ltd.
Content Relevant URLs by vBSEO 3.1.0 جميع الحقوق محفوظة لموقع الرياضة إلى الأبد |
العرض المتطور
