كان لي موعد جميل ..... !
يمكن أجمل من حياتي كلها ...
كان كل الكون بيدي ... وشفت كل الناس موتى !

جيت مسرع ........
أسرع .. أسرع ... من عيوني !!
حتى شوفي ماسبقني ومن جنوني ...
............. كنت اسولف مع جنوني عن جنوني !

جيت أسرع من طيوفي .. لما في بالك تمر !!
من خيالك لو يمرني ...

جيت أسابق خطوتي .. ودقات قلبي .. / ساعتي ...
زحمة الشارع وصدري .. ولهفة أنفاسي عليك !

جيت ( من كل شي / أسرع )
حتى قبلي , ما أبي توصل يدْيي !!
................................ كان ليْ , .... موعد جميل ..!
/ وله وصلت ...
وانتظرت
كنت أحس إني ذبحت .. / الوقت كله
كنت أحس إني ملكت .. الكون وأكثر !
................................ انتظرت ..!!
باقي بس " لحظه " وتجيني ..
كان بيني وبين حلمي بس " خطوه "
................................... وتلتقيني !
كان فيني الصبر , جمره
... ورغم مُره
استلذيت انتظارك ... .../ وأنقتل , موعدك فيني ..!
ثاني مره ... لا بغيت تبّجي عيني
لا تواعدني وأجيك ...!
بجْنّي وآنا فـ مكاني ...!!
مابي أصعد للسما ... واكتشف إني اطيح ... بلا طموح ولا أماني ..!
بجْنّي وآنا فـ مكاني ...!!
مابي أكره رحلتي لك .. لو أحبك من بعيد ..!
لو يصير الشوق " كلمه " .. / كلمه من وهم وجليد ..
خايف أكتشفك وأقرب ..
وخايف أكثر ما عرفتك !
الأكيد اني انتظرتك ..
شي منك ... ماعرفته من قبل ..!
واحتضرتك ..
واحتضر موعدك فيني ..
وسارت الخطوه حزينه ... انت وينك وآنا ويني ..؟
حتى عذرك فيه / ........... مابرّيت وعدي ...!!
............. وما أعتذرت ..
ومن دموعي بس هربت , وقلت آسف ..
طاح كل الليل فوقي !
كان صوتك وانته تبجّي مايحرك فيني شي ....!!!!
بصخب صدماتك حبيبي .. .. /
أحتضرتك
واحتضر موعدك فيني ..
وسارت الخطوه حزينه ... انت وينك وآنا ويني ..؟
ثاني مره ... لا بغيت تبّجي عيني
لا تواعدني وأجيك ...!
بجْنّي وآنا فـ مكاني ...!!
................ وخل أحبك من بعيد ,