DiDo0o

,,

,,

,,


السلام عليكم ورحمة الله وبركاته


تحذير تقني / الاشعة البلوريه الخارجة من هرطقات الكاتب تؤدي الى خلل وظيفي في الاعضاء الاكلينكينة , الرجاء القفز ثلاث مرات و ارتداء نظارات ثلاثية الابعاد


" من زمان ما كتبت قصة . فـ اعذروني لو صار مني قصور "
..,,..,,..,,..



فراس ابو راس , شاب من اسمه تكتشف انه صاحب رأس يُسطر في كتب التاريخ , صاحب افكار طموحة , ومبادئ غبية ( لكن تبقى مبادئ )

انتقل للسكن في حارة قديمة في اطراف مدينة الرياض .

الحارة القديمة هذي اسمها حارة " أبو جلمبو "

مشكلة هالحارة - ابو جلمبو - مش مثل حارة ابو راس السابقة - حارة ام 99 فلقه - الي كانت عندها انواع الخدمات والدلع والرقي ..!!

ابو جلمبو حارة مظلمة , ما فيها ولا لمبة من الحكومة , والمويه الي عندهم كلها من الابار الي حافرينها , المشكلة ان الحكومة حاطه عليها رسوم ..!!

المهم ,, خوينا فراس ابو راس سكن في الحارة , ونقل عفشه واستقر والحمد الله .
يوم بعد يوم , تعرف على سكان الحارة اللطفاء , واشهرهم :

" جاسم صاحب الهدف الحاسم "

وسبب تسميته كان ايام الطفولة وقت ما كان يشوف اخوياه يلعبون كورة ولا يلعبونه , والسبب كان يحب يلعب كورة سله واسكواش .
المهم اصيب لاعب من فريق الحارة وما لقوا احد غير جاسم , الي كان طول الوقت واقف قدام مرمى فريق الخصم ,,
الى ان جات هجمه لفريقه وشاتوها وصقعت فيه بالغلط ودخلت هدف ومن هنا جائت التسمية


" عبود ابو خدود "

ما يحتاج شرح ,, خدود كبار كنه عجين خبز التميس ,
والسبب يوم كان صغير كانوا اهله طول الوقت يبوسون خدوده , لدرجة ان الولد اذا جلس ربع ساعه محد بوسه يمرض .

" كومار "

االهندي راعي البقالة ,
واهل الحارة متدينين منه ومن بقالته ما يقارب الـ 27 الف دولار , وللحين محد رجع له ولا ريال ,
وكل ما طالب عند الشرطه , يكرشونه ,, لانه هندي وضعيف ..!!



..,,..,,..,,..,,

نرجع لخوينا فراس ابو راس ,,

بعد ما لاحظ ان شارع حارتهم ما فيه ولا لمبه ,
لا من الحكومة ولا من الجيران , فقرر انه يمر البقالة وياخذ منهم لمبة ينور فيها الشارع ..!!

وصل البقالة ودار بينه وبين" كومار " الحوار التالي :

فراس : يا صديق لمبه من النوع ( ,,, ) << عشان الدعايه
كومار : ايوة موزود هازا لمبة , كم هبة يبقى ؟
الترجمة : " ايوة موجود اللمبة هذي , كم حبة تبغى ؟ "

فراس ابو راس : ثنتين بس ,, بكم ؟
كومار : اسنين دودار
الترجمة : " دولارين "

فراس طلع محفظته , وطلع دولارين وسلمها للهندي " كومار "

كومار ما عرف وش يسوي بـ الدولارين , جلس يبكي , اول مرة خلال 13 سنة احد يدفع له ..!!

..,,..,,..

رجع فراس ابو راس للبيت , وراح يركب اللمبة فوق الباب الي عالشارع ..!

كل الحارة طلعو يشوفون وش السالفة

, قنوات الاخبار والاذاعات كلهم كانوا هناك يغطون الحدث الكبير - الي هو تركيب لمبة بالشارع -
حتى ان في اشاعه طلعت تقول ان ملحم زين كان راح يغني بها المناسبة


وبقدرة قادر , اشتغلت اللمبة , وطلع النور الي ما كان معروف في ذيك الحارة , فـ التفت " جاسم صاحب الهدف الحاسم " على جاره " عبود ابو خدود وقال له /

جاسم : سبحان الله , شمس في الليل , والله تطور العلم ..

" اللمبة انكسرت من قوة العين "

عبود : اعوذ بالله منك ,, ياخي اذكر ربك.


عصب فراس , وراح ركب اللمبة الثانية وسط ذهول شديد من الجمهور الحاضر ..
الحمد الله اشتغلت اللمبة مضبوط , وصارت تنور الشارع بكل اريحيه

..,,..,,..,,..

خلال يومين , ظهرت حركة ارهابية تسمى " حركة تحرير الشارع من لمبة ابو راس "

اصدرت هذي الحركة بيان تهدد فيها فراس ابو راس من هذا المنكر الي حل بالشارع ,
وليه يا اخينا تاخذ منتج لـ دول الكفر تنور به الشارع ,, المفروض بدال اللمبة , تشب نار من الحطب , وتريح بالك .
وحذرت ابو راس وقالت له :لك 24 ساعه تشيل اللمبة ولا راح نقوم بعملية انتحارية يقوم فيها احد الشباب يفجر فيها اللمبه عن طريق النبيطه


اتصل فراس ابو راس على الشرطة , يبغى يقدم بلاغ عن تهديد .

العسكري : الشرطة , معاك الرقيب ابو جوال الرهيب
فراس : ممكن ابلغ ؟

الرقيب : عسى ما شر , داق على برنامج ؟ كنك تقول ممكن اشارك
فراس :

الرقيب : اخلص وش عندك
فراس : في ناس مهدديني , مهددين يكسرون لمبتي ..!!

الرقيب : صار شي , كسروها ؟
فراس : لا ..!

الرقيب : اجل اذا كسروها دق علي ,,, طوط طوط طوط
قفل الخط



مرت 24 ساعه , ما جا اللمبة شي , صارت هالجماعه تبي تشهر نفسها , يبون بالي هي به يطلعون بالتلفزيون

على فكرة ,
قائد هالجماعه هو جاسم صاحب الهدف الحاسم
والمخطط للعمليات : عبود ابو خدود
والانتحاري ككان بيصير الضعيف كومار


..,,..,,..,,..,,..

الساعه 2 باليل , يوم الخميس .

مرت سيارة الشرطة من حارة ابو جلمبو كـ عادتها السنوية ( يمرون الحارة مرة بالسنة ) , وطبعا متعودين انها مظلمة
لكن الي حصل انهم شافو لمبة ..!!

يا سااانر ,, اخلال بالأمن ..!!

اتصلت الدورية على قوات الامن الخاصة , والجيش , الدفاع المدني , والاسعاف , حتى سليمان العيسى وابراهيم الفريان كانوا موجودين ,,

وبسرعة الضوء , بعد ساعه ونص , حضرت كل هالجيوش
وتم شقل ( اي القبض ) فراس ابو راس من سريرهـ ووضع بالتحقيق الي كان يديرهـ الرقيب ابو جوال الرهيب ..!!

دخل باب غرفة التحقيق ,, ومن دون سلام .

الرقيب : اعترف احسن لك ولنا .
فراس ابو راس : والله العظيم الي سرق نعال عبود ابو خدود هو جاسم ,, جعلي ما اتوفق

الرقيب : لا لا لا ,, احم احم ,, احنا عارفين من الي سرقها , كنا نتابعكم عن طريق الاقمار الصناعية << طبعا نصاب
الي اقصدهـ , انت يوم حطيت لمبه بالشارع , وش كانت اهدافك ؟
فراس : والله ما كان هدفي الا اني انور الشارع ..!!

الرقيب : تشير التقارير الموجودة عندنا انك تقصد شي ثاني ,, اعترف احسن لك ..!!
فراس : الحين الرياض كلها لمبات وانارات , وما لقيتوا الا بيتي ؟

الرقيب مسوي ذكي ويبفحم فراس : الحين اذا بغيت تشرب بيبسي , تشربه بارد ولا حار ؟
فراس : انا ما احب البيبسي ,, ما اشرب الا سفن اب

الرقيب بينه وبين نفسه : يؤ ما علمونا وش نرد عليهم بـ مثل هالامور .

الرقيب : وش اسمك ؟
فراس : اسمي فراس ابو راس .

الرقيب : يقرب لك فزاع ابو كراع ؟
فراس : ايه يصير ولد خالتي من الرضاعه .

الرقيب : خلاص رح بيتكم بريء ..!!



..,,..,,..,,..,,..

الساعه 8 الصباح .

وهو راجع من مركز الشرطة ,
جالس يفكر بـ لمبة العزيزة , وكيف اول ما يرجع راح يضمها , ويفصل الكهرب عنها , لان الصبح طلع .

الله عليك يا لمبتي العزيزة ,
كم اشتقت لكِ ,
و لـ اضائتك ,

كم عانينا سويةً من مصاعب الحياة ,
كم رقصنا فرحا لتغلبنا على المشاكل ,

آهـ يا لمبتي , انتي كل شيء في حياتي

قرب للبيت ,النور مش واضح..!!

قرب اكثر ,, واكثر , وقلبه يوجعه في شي غلط ..
ما في نور مكان اللمبة , وصل لـ اللمبة , مما تشتغل ,,

يناديها ,, لمبتي ,, لمبتي ,,
تكفين ردي علي

لمبتي

لااااااااااااااااااااااااااااااااااااااااااااااااا ااااااااااااااااااااااااااااااااااااااااااااااااا

<< ادري مسلسل خليجي

اللمبة انكسرت ,, اغتالوها ,, اغتالوها المسكينة ,,

وش ذنبك يا لمبة ,, وش ذنبك ,,

تتعبين نفسك عشان تنورين للعالم ,, محد يبغى خير بها الدنيا ولا شلون

فراس ابو راس في حالة هيستيرية ,, يضرب ابواب الجيران ,,

الجيران : وش فيك .
فراس وهو يجهش بالبكاء : راحت ,, خلاص ما في مافي ,,

الجيران : وش فيك يا بن الحلال .
فراس : لمبتي ,, كسروها ,, لمبتي خلاص ,, كسروها


الجيران : ايــــــــه , وحنا نحسب عندك سالفة ..


..,,..,,..,,..,,..,,..

واعتزل فراس ابو راس الحارة, وذهب بعيدا بعيدا حيث تعيش اللمبات بكل امان :kok:


THE END

للتوضيح : الشخصيات + الحارات غير حقيقية


جميع الحقوق ما في أمل تنحفظ وقابلة للسرقة , فـ الي بينقله ينقله ويقول منقول الله لا يهينك

الصفحة الرئيسية لموقع الرياضة إلى الأبد