New Star

بالنسبة لي...فأنا أكرف طول اليوم ثم أرجع البيت و إن كاني لقيت وقت شفت لي فلم أدخل على النت ثم أنام فو الله ما عندي وقت أحلق بعيد و لا أعطي الفلم وقته علشان يتمكن مني و أدخل بجوي الخاص خصوصا أن كان زي هالفلم اللي ماله رسالة واضحة غير الترويح و أهمية وضع الحدود الأخلاقية في الحياة سواء في المجالات العلمية أو الحياتيه و أن أحيانا فيه أشياء تصير في الحياة و مالنا ألا أننا نكون واقعيين و نتقبلها و نتعامل معاها و نتخطاها بدال ما نجلس و نتذمر و نهرب منها


و أظن أن أكثر الناس زي كذا فالفلم اللي يبغى يتكلم عن شيء معين بمقدوره يعطي صورة أوضح و أصلا هي مثل ما قال واحد من الشباب قبل و اللي ما زلت أذكر كلامه لما قال إن كاننا نبغى الناس يمدحونا فماراح يصير هالشي و حنا ممدين رجلينا و ننتظر غيرنا علشان يسوونه



أنا على كل شفت كثير أفلام عن الفامبايارز رغم أني ما أحب هالنوعية لكنها كثيرة أصلا و تطيح فيهم غلط إذا حملت أفلام رعب على عماها المهم أنه ما لهم أي حدود معينة لأنهم شخصيات خيالية أصلا فعلى سبيل المثال و خلال أكثر الأفلام اللي شفتها فهم دايما ما يموتون إذا طلعوا في الشمس لكن في Twilight على سبيل المثال فهالشي مو موجود لأن الكاتب ما بغاها زي كذا و الامر بالسهولة هذي و ما يحتاج أي تعقيد أما بالنسبة لأسئلتك


ميزة نيويورك أنها منلمة أكثر و تسمى المدينة اللتي لا تنام زي ماهو معروف فإذا كانك تعيش فيها و تشوف هالشي يوميا فشوفتها فاضية كذا و مهدمة راح تحرك مشاعرك شوي أكثر من ديرة في الغرب راح تلقاها نايمة بعد الساعة 12 و كذلك نيويورك كلها عمارات ففيها فرص وجود أماكن مناسبة للاختباء أكثر


هو الكاتب حاب يخلي القصة أكثر واقعية و أن كل شي صار بسبب فايروس ماهو بأسباب روحانية أو دينية أو عالم آخر أو اللي هي فأخترع مخلوقاته الخاصه فيه





علشان فيه فلسفة أكثر و يحسس المشاهد أن الفلم يعرف وش اللي يتكلم عنه



واضح أنك ما شفتي الفلم كويس لأن الأحداث ماشيه كذا فبعد ما رجعت ويل سميث لبيته و صحصح من بكرا سألها إن كان هي رجعت للبيت على طول و في الليل و لا لا ؟ فردت عليه أن هذا اللي سوته و كان واضح على ويل سميث أنه متضايق و عارف وش بيصير لأن دايم ما كان يضللهم قبل ما يرجع لبيته علشان ما يعرفون وينه


على كل الموضوع واضح عليه أنه متعوب عليه زي العادة كما أنه يلمس موضوع حساس بفلم يحبونه كثير من الأعضاء و اللي نتمنى منهم عدم الملافع في منتدانا زي ما صار آخر مرة

راس المال انه يستاهل التثبيت

الصفحة الرئيسية لموقع الرياضة إلى الأبد