تقرير وتغطية مصورة لـ تمرين السبت 26-9-09

انتراوي نصـراوي · 27-09-2009, 01:18

بسم الله الرحمن الرحيم ..

السلام عليكم ورحمة الله وبركاته ..

الليلة كان آخر تمرين مفتوح قبل الديربي ..

دخلت واللاعبين مقسمين 3 أقسام فـ الملعب ..
اليسار .. للحراس [ راضي - كميل - ربيع - العنزي ]
الوسط .. كل اللاعبين ويسوون ذاك التمرين ! (اللي كل لاعب يمشي لـ خويه بـ الكورة)
اليمين .. سلمان البقمي كان يتمرن لـ حاله .. (استمر تمرينه نص ساعه تقريباً ! .. وبعدها وقف مع عبدالعزيز الدوخي شويات ومشى .)

بعدها صار انقسموا اللاعبين لـ 3 مجموعات ..
كل مجموعتين تلعب على نص الملعب مناورة ..
والفايز يروح للنص الثاني يقابل الفريق الثالث
طريقة المناورة (الفريق الاول يكون فوزه اذا سجل هدف .. والثاني يفوز اذا مشى بـ الكورة من الحارس لـ نص الملعب)

وانتهى التمرين بعدها ..

# ما كان فيه أي غياب اليوم .
# حضر من الجانب الإداري [ السلهام - القريني - عبدالعزيز الدوخي ]
# تواجد مجموعة من لاعبين درجة الشباب [ أسامة عاشور - سفياني ] وكانوا داخل الملعب .. و [ ناصر الصالح ] كان يتابع من المدرج .
# حضور الجماهير كان جيد .
# من أفضل اللاعبين فـ تمرين اليوم [ غالي - غالب - فيقي ]
# سألت عبدالعزيز الدوخي عن البقمي .. يقول أسبوعين ويكون جاهز ان شاء الله .. وينفع يلعب فـ كاس الاتحاد مع الشباب مكان أحد من الـ (3) !
# عباس لاحظته بعد تمرين أمس واليوم .. يحط على ساقه اليسار ثلج !
# قنوات العربية والرياضية .. غطوا التمرين وكلهم قابلوا السلهام وإيدير .
# أبو ريان غطى التمرين .. عشان كيذا ما كرفت جوالي !
# انتهى التمرين تقريباً 8 ونص .
# بعد التمرين جلس السهلاوي مع مساعد المدرب حول الـ 10 دقايق .
# بعد التمرين ما نزل للجمهور يصور الا ابو عمر وفيقي وايدير .
فيه كميل ينرحم وقفوه يحسبون سيارته سيارة ابو تشن وقف وطلو عليه ومشوا
وكله كوم وتصريفة ريان كوم ثاني .. يقول مستعجل ابجيب أهلي من المطار !
# ابو تشن يوم طلع بعد التمرين وهو فـ سيارته كان لاف شي على رقبته :S !

31 صورة من التمرين ..

أعديت لكم التقرير بـ مساعدة من أبو خالد

ان شاء الله أني ما نسيت شي ..
والسموحة ع القصور ..

__________________

البحث عن مواضيع لنفس العضو

دجينا · 27-09-2009, 05:25

%
تسلم يالغالي

والموعد مدرجات الملك فهد الدولي أن شاء الله

والفوز لنا

__________________

البحث عن مواضيع لنفس العضو

H u M M e R · 27-09-2009, 10:31

اقول يا بعد قلبي والله يا يزيدوفيتش

,

ولا يهون أبو خالد اللي صار له فترة ساحب علينا هنا !!

__________________

البحث عن مواضيع لنفس العضو

الاميرابوخالد · 27-09-2009, 10:51

يعطيك العافية حبيب قلبي علي هالنقل االاكثر من رائع

يعني بجد ادهشتنا بهالنقل المميز خلال تمارين العالمي يومي الجمعه والسبت

واتمني يكون هالشي متواصل ادري بنتعبك ويانا بس ندري نمون

اللة يوفق العالمي امام الهلال وراح نرد هيبتنا ان شاء الله امام الهلال وبنتيجة قاسية

__________________

البحث عن مواضيع لنفس العضو

معـاذ · 27-09-2009, 14:32

اقتباس:

فيه كميل ينرحم وقفوه يحسبون سيارته سيارة ابو تشن وقف وطلو عليه ومشوا

حطموووه مسكين هههههههه ,,

يعطيك العافيه يزيد

, مع الشكر لأبو خالد ..

__________________

البحث عن مواضيع لنفس العضو

أمير المحبين · 27-09-2009, 21:09

الله يعطيك العافية

__________________

البحث عن مواضيع لنفس العضو

دكتور النصر · 28-09-2009, 02:11

يسلمو

ودااايم مميز يايزيد كالعاده

ولا يهوون ابو خالد

وان شاء الله نحتفل هنا بالفووز ونشووف ابداعك بصووور فرحتنا

__________________

البحث عن مواضيع لنفس العضو

حارس العالمي · 28-09-2009, 13:42

تسلم اخوي على الصور بس وين

القمر صقور

__________________

البحث عن مواضيع لنفس العضو

البث المباشر	-\|¤\|- تصنيف الروابط الإخبارية العالمية لـ شهر أكتوبر / 10 / 2009 -\|¤\|-
البث المباشر	-\|¤\|- تصنيف الروابط الإخبارية العربية لـ شهر أكتوبر / 10 / 2009 -\|¤\|-
البث المباشر	نائب رئيس الإتحاد الإيطالي و المايسترو ألبرتيني ضيفا على رابطة ميلان - حصري -

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)