برتغالي للأبد

ألف مبروك التأهل للملحق .. و لو إن الفرحة " مؤقتة "
حتى نضمن الوصول للساوث أفريكا رسمي ..


لكن منو يتخيل إننا بنوصل للملحق !
أتذكر بعد سلسلة التعادلات المريضة للمنتخب ..
كل الصحف البرتغالية عنونت ( وداعاً جنوب أفريقيا ) ..
و بعضهم وصف المهمة بـ " المستحيلة " ..


لا زلت أتذكر عنوان صحيفة الريكورد ..
و قالت إن البرتغال ( تحتاج لـ معجزة للوصول لكأس العالم )


لكن و لله الحمد الأمور سليمة لحد اللحين ..
و وصولنا للملحق انجاز ..
بعد المستوى السيء و النتايج المخيبه اللي ظهر فيها المنتخب .. !




مباراة اليوم .. نتيجة كبيرة بأقل مجهود
كيروش بعد ما تقدم بثنائية ..
طلّع اللاعبين اللي عليهم انذارات ..
و جرب لاعبين ..



صحيح لحد اللحين أحس إني " فاقد " متعة برتغال سكولاري ..
أتكلم على مستوى الأداء مو النتيجة ..
برتغال سكولاري و خصوصاً على ملعبه مثل هالفرق ..
يخلي المشاهد يوصل لمرحلة " التشبع "
من المتعة .. !


و هذا اللي فاقده كيروش ..
لي اللحين أحس المنتخب ينقصه أشياء ..
أشوف في فقدان للثقة من قبل بعض اللاعبين ..



لكن ان شاء الله بعد هالتأهل هالشي ينتهي ..
و راح ينتهي كلياً بعد التأهل الرسمي للمونديال




اللي عجبوني بمباراة اليوم ..
بيدرو مينديز - ناني - بوسينغوا - فيلوسو ..
هم نجوم المباراة



بيدرو مينديز فيه ميزة فقدها المنتخب بالنص سابقاً ..
يلعب بهدوء و ثقة كبيرة .. دفاعياً فوق الروعة .. !

الهدوء هو اللي كان يفتقده بيبي بهالمركز ..
ولا يلام لأنه مدافع ماهو وسط ..



فيلوسو يثبت اليوم لكيروش أنه لاعب ممكن يعتمد عليه ..
بغض النظر عن الهدف و التقدم الايجابي بالهجمة ..
كان ممتاز هجومياً .. لكن ما شفناه دفاعياً ..
لضعف مالطا ..


ناني .. يا رااااجل وين هاللعب مع المان
هناك يرفع الضغط .. و مع المنتخب يبدع و أخطر لاعبي الفريق الليلة ..


سيماو .. جيد .. لكن ما كان بكامل المستوى ..
و نفس الشي بالنسبة لـ ديكو ..



و بقية اللاعبين ما قصروا ..
لكن أكيد مالطا ماهو مقياس ..
الأهم قادم ..




،،


حالياً كل التركيز على الملحق ..
ان شاء الله ببداية نوفمبر المنتخب يكون بلا إصابات ..


و كيروش لازم يدرس الفريق بصورة أكبر ..
لأننا بنواجه منتخبات أصعب و أقوى من المجر و مالطا .. !




أبي التأهل لجنوب أفريقيا و بس ..
وقتها يحلها ألف حلال ..


بإنتظار القرعة ..

الصفحة الرئيسية لموقع الرياضة إلى الأبد