هلا أخوي ابو وليد .... أولا .... أنت تقول لأحد الأخوة الأعضاء أنه لا يرد وهو ماشاف المباراة ؟؟....طيب كيف تقول توتي ماسوى شيء قدام بارما...مع أنه ما لعب أصلا وهذا سبب الهزيمة الساحقة ؟؟؟؟؟
ثانيا أنا أعتقد أن سبب كره الكل لتوتي هو سوء أخلاقه وغرورة وأنا معاكم في هذا لاكن الشيء الوحيد الي يهمنا هو مستواه .... مو أخلاقة لا، ما أعتقد أن في أحد بيناسبة.
ثالثا..أنت تقول :
...في ايطاليا الملك دل بيرو....اما روما لايوجد لاعبين مميزين علشان كذا عطوه الملك ...لكن لو توتي في الشمال ...فيه غيره احق منه(دل بيرو=باجيو+فيرييييييي اللي مسجل 12 هدف في 12 مباراه في الدوري حتى الان...وغيرهم كثير..........
ياحبيبي كيف تقارن مهاجم بوسط ؟؟؟...... هذا دليل أنه تهجم أعمى ..مو نقد أبدا ...والدليل على كلامي أنك قلت أنا ( أنقهر) منه على شانه مغرور وشايف عمره ....... ؟؟؟....طيب المفروض نتكلم عن مستواه مو بس أخلاقه ...ونحكم عليه بمصداقية مو بعاطفتنا!
رابعا ...ذبحتنا كل ما أحد قال شيء قلت هنري وهنري ...توتي في هذيك المباراة كان توه راجع من اصابة وهنري كان في أوج تألقة ولياقته .... وبعدين مافيها شيء هنري نجم ويستاهل وأظنها مباراة بين روما والأرسنال وليست بين هنري وتوتي ...يعني المفروض توتي يدافع ويصلح الأهداف ويسجلها بعد.....خلاص خل الحكم يلغي التسلالات الي منحها ظلم لروما وهو يرضيك خلي دفاع الأرسنال يرتكب أخطاء شنيعه مثل ما أهدى كافو هنري هدف وتوتي يرضيك ..خلي الحكم يحسب البلنتيات الي لغاها وتوتي يرضيك .....
خامسا ..تقول وين توتي عن المباريات الكبيرة .....؟؟؟؟.....يالظالم البلاوي الي سواها بالريال مو عاجبتك ؟؟.. البلاوي الي سواها بآخر مباراة مع لاتسيو مو عاجبتك ؟؟....المستوى الخيالي الي سواه أمس والي كان فيها ديل بييرو الي توقعت أنه مالعب الين مالمحت رقمه ؟؟؟....وبعد هذا كله تقول يغيب عن اللقاءات الكبيرة ....يكفي أنه 80% من روما ..وكلنا نشوف روما وش يصير لما يغيب توتي ...طب خلنا بديل بييرو واللقاءات الكبيرة ..وينه قدام الأنتر ...؟؟....وينه قدام بارما (ورجاء لاتذكر هدف اليد )....وينه قدام ديبورتيفو ؟
وينه قدام روما أمس ؟؟.....
خامسا كلنا شفنا ايطاليا بعد ماغاب توتي وأستلم زمام الأمور ديل بييرو ..ومافي داعي نذكر النتائج ...وأما بالنسبة لكأس العالم أنت ماذكرت الا مباراة كوريا وكيف أنطرد ظلم .....يعني ماذكرت المستوى الخيالي في أول مباراة في كأس العالم وقدام كرواتيا لولا ظلم القذر (الحكم).....وللمعلومية كل لاعيبة ايطاليا كانوا في أسوأ حالاتهم يعني لا توقف عند توتي بس ..وعلى العموم المدربين الي دربوا ايطاليا أفهم وأخبر مننا ..وتشوفون توتي أساسي وديل بييرو أحتياط !!....
وفي النهاية أنا والله العظيم ماني ضد ديل بييرو ..ولو تذكرون سويت موظوع طويل عررررريض عنه ....ولا مع توتي ...أنا لاعبي المفضل فييري بعد أجيو أكيييد....بس الحق حق ... وزي ماقال بيلية أفضل لاعب في أوربا هو توتي ..... وما أظنك أخوي أبو وليد فاهم أكثر من بيلية
وعلى فكرة بالنسبة لانزاجي ..يعني لازم يسحب بعشرة لاعبين ويدخل الحارس بالدفاع على شان يرضيكم ..... في شيء أسمه تمركز وأستغلال الفرص بدون فلسفة وحس تهديفي عالي ...ولما تقول على شان وراه روي كوستا وريفالدو وسيدورف ..أمركم عجيب والله يعني لازم يكون وراه عمر الغامدي والنزهان والمولد على شان يكون لاعب عالمي ..على كذا راؤول أفشل لاعب بالعالم ..وطبعا فاهمين وش أقصد ....
وآسف على الاطالة ..ومشكورين على الموظوع.....
ملاحظة(لم أعلق على موظوع الملك وما الملك لأنها مسأله سخيفة مع أحترامي حيث أنها تبقى ألقاب ومسميات تعطى لأي كان ..لكن في النهاية الملعب هو الفيصل ...دائما :ساعة:.....)
وشكرا
البث المباشر 
